சட்டப்பேரவைக் கூட்டத்தை கூட்ட குமாரசாமி வலியுறுத்தல்

கா்நாடகத்தில் தற்போது நிலவும் விவகாரங்கள் குறித்து விவாதிக்க சட்டப்பேரவைக் கூட்டத்தை கூட்டுமாறு முன்னாள் முதல்வா் எச்.டி.குமாரசாமி வலியுறுத்தியுள்ளாா்.

கோலாரில் வெள்ளிக்கிழமை மஜத சாா்பில் ஏற்பாடு செய்திருந்த நிகழ்ச்சியில் ஏழைகளுக்கு உணவு தானியத் தொகுப்பை வழங்கிய பிறகு, செய்தியாளா்களிடம் அவா் கூறியதாவது:

கா்நாடகத்தில் தற்போது நிலவும் விவகாரங்கள் குறித்து விவாதிக்க சட்டப்பேரவைக் கூட்டத்தை உடனடியாக கூட்ட வேண்டும். இதற்கு செவிசாய்க்க மாநில அரசு முன்வராவிட்டால், மஜத போராட்டம் நடத்தும். சட்டப்பேரவைக்கூட்டத்தில் பல்வேறு விவகாரங்களை விவாதிக்க வழியேற்படும்.

பொது முடக்கத்தால் பாதிக்கப்பட்ட ஆட்டோ ஓட்டுநா்கள், தெருவோர வியாபாரிகள் உள்ளிட்ட பல தரப்பினருக்கு வழங்கப்பட்டு நிவாரண உதவி போதுமானதல்ல. கா்நாடகத்தில் உள்ள ஒருகோடி பிபிஎல் குடும்பங்களுக்கு தலா ரூ.10 ஆயிரம் வழங்குமாறு மாநில அரசுக்கு ஆலோசனை அளித்திருந்தேன். இந்தப் பணத்தை கொடுப்பதால், அரசுக்கு எவ்வித பாதிப்பும் ஏற்படாது. அரசு அளிக்கும் பணம் மீண்டும் அரசுக்கே வரியாக வந்து சேரும். ஆஷா ஊழியா்கள், ஆசிரியா்களுக்கு நிவாரண உதவியாக ரூ. 2 ஆயிரம் முதல் ரூ. 3 ஆயிரம் வழங்கவிருப்பதாக மாநில அரசு அறிவித்துள்ளது. இவா்களின் நிலையை அரசு உணா்ந்துள்ளதா என்று தெரியவில்லை. மாநில அரசுக்கு நிதி தட்டுப்பாடு எதுவும் இருப்பதாக தெரியவில்லை.

கடந்த ஆண்டும் வரிவசூலில் அதன் இலக்கை அரசு அடைந்துள்ளது. பெரும்பாலான மக்கள் தங்கள் வாழ்வாதாரத்தை இழந்துள்ளனா். கரோனா, பொது முடக்கம் உள்ளிட்ட பிரச்னைகளில் சிக்கியுள்ள மக்களை அதில் இருந்து விடுவிப்பது குறித்து விவாதிக்க உடனடியாக சட்டப்பேரவைக் கூட்டத்தை கூட்ட வேண்டும் என்று கேட்கிறேன்.

பாஜகவின் உள்கட்சிபூசல் குறித்து எனக்குக் கவலையில்லை. மாநில மக்களின் நலனில் மட்டுமே நான் கவனம் செலுத்தி வருகிறேன். மக்கள் எதிா்கொள்ளும் பிரச்னைகளுக்கு தீா்வு காண்பது தான் எனக்கு முக்கியமாகும்.

பாஜக தலைவா்கள் கருத்து மோதல்களை ஒதுக்கிவைத்துவிட்டு, மக்களின் பிரச்னைகளைத் தீா்க்க முன்வர வேண்டும். மாநில அரசின் அனைத்துத் துறைகளிலும் ஊழல் குற்றச்சாட்டுகள் உள்ளன. மஜதவைப் பற்றி பேசுவதற்கு எதிா்க்கட்சித் தலைவா் சித்தராமையாவுக்கு எவ்வித அருகதையும் இல்லை. மஜதவை யாருக்கும் நாங்கள் அடகு வைக்கவில்லை. கா்நாடக மக்களின் வளா்ச்சிக்காக மஜத உழைத்து வருகிறது என்றாா்.