மத்தியப் பிரதேசம்: பேருந்து விபத்தில் 7 பேர் பலி, 14 பேர் படுகாயம்

மத்தியப் பிரதேச மாநிலத்தில் இன்று(அக்.1) காலை பயணிகள் பேருந்தும் கனரக லாரியும் மோதிக்கொண்டதில் 7 பேர் உயிரிழந்திருக்கிறார்கள்.

இதையும் படிக்க | இரண்டு ஆண்டுகளில் ஆறாவது முறையாக ஜாக்பாட்...குதுகலத்தில் மத்தியப் பிரதேச விவசாயி

மத்தியப் பிரதேசத்தைச் சேர்ந்த பிந்த் மாவட்டதில் உள்ள நெடுஞ்சாலையில் இன்று காலை 7 மணிக்கு குவாலியரிலிருந்து பரேலி சென்று கொண்டிருந்த பயணிகள் பேருந்தும் கனரக லாரியும் நேரடியாக மோதிக் கொண்டதில் சம்பவ இடத்திலேயே 7 பேர் பலியானதோடு 14 பேர் படுகாயம் அடைந்திருக்கிறார்கள்.

மேலும் உயிருக்கு ஆபத்தான நிலையில் இருக்கும் 4 பேரை குவாலியர் மருத்துவமனையில் சேர்த்திருப்பதாகவும் ஓட்டுனரை கைது செய்ததாகவும் காவல்துறைத் தரப்பில் தெரிவிக்கப்பட்டிருக்கிறது.