தில்லி டெங்கு: கடந்த 5 ஆண்டுகளில் இல்லாத அளவுக்கு அதிக பாதிப்புகள்

தில்லியில் கடந்த 5 ஆண்டுகளில் இல்லாத அளவுக்கு நிகழாண்டு மட்டும் 7,128 டெங்கு பாதிப்புகள் பதிவாகியுள்ளன.

தெற்கு தில்லி நகராட்சி தரவுகளின்படி கடந்த வாரம் தில்லியில் 1,851 டெங்கு பாதிப்புகள் பதிவாகியுள்ளன. டெங்குவால் நிகழாண்டு மட்டும் 9 பேர் பலியாகியுள்ளனர். கடந்த 2 வாரங்களில் ஒரு பலிகூட பாதிவாகவில்லை என்பது குறிப்பிடத்தக்கது.

இதையும் படிக்க | கோவா தேர்தலில் பாஜகவுக்கு உதவுகிறதா திரிணமூல்? காங்கிரஸ் குற்றச்சாட்டு

நிகழாண்டு பதிவான 7,128 டெங்கு பாதிப்புகளில் 50 சதவிகிதம், அதாவது 5,591 பாதிப்புகள் நவம்பர் மாதத்தில் மட்டும் பதிவாகியுள்ளது. பாதிப்பு அதிகரிக்கும் விகிதத்தை இந்தத் தரவு உணர்த்துகிறது.

முந்தைய வருடங்களில் டெங்கு பாதிப்புகள்:

2016 - 4,431 பாதிப்புகள்
2017 - 4,726 பாதிப்புகள்
2018 - 2,798 பாதிப்புகள்
2019 - 2,036 பாதிப்புகள்
2020 - 1,072 பாதிப்புகள்