அப்பா... நீங்கள் கண்ட கனவை நனவாக்க முயற்சிப்பேன் என்று தந்தை ராஜீவ்காந்தி பிறந்த நாளில் ராகுல் காந்தி நெகிழ்ச்சியுடன் தெரிவித்துள்ளார்.
முன்னாள் பிரதமர் ராஜீவ் காந்தியின் 78 ஆவது பிறந்த நாள் விழா இன்று நாடு முழுவதும் பல்வேறு இடங்களில் கொண்டாடப்படுகிறது. அரசியல் தலைவர்கள் பலரும் அவரை நினைவு கூர்ந்து வருகின்றனர்.
இந்நிலையில், அப்பா... நீங்கள் கண்ட கனவை நனவாக்க முயற்சிப்பேன் என்று ராகுல் நெகிழ்ச்சி பதிவு ஒன்றை ட்விட்டர் பக்கத்தில் பதிவிட்டுள்ளார்.
அதில், அப்பா, ஒவ்வொரு நொடியும் என்னுடன், என் இதயத்தில் இருக்கிறீர்கள். நாட்டிற்காக நீங்கள் கண்ட கனவை நிறைவேற்ற நான் எப்போதும் முயற்சிப்பேன் என்று பதிவிட்டு அதில், ராஜீவ் காந்தி இருக்கும் ஒரு சிறப்பு விடியோ ஒன்றையும் பதிவிட்டுள்ளார்.