பல்கலைக்கழக வேந்தா் பதவியிலிருந்து ஆளுநரை நீக்கும் மசோதா: கேரள பேரவையில் அறிமுகம்

மாநில பல்கலைக்கழக வேந்தா் பதவியிலிருந்து ஆளுநரை நீக்கிவிட்டு, தலைசிறந்த கல்வியாளரை அந்தப் பதவியில் நியமிக்கும் பல்கலைக்கழக சட்டத் திருத்த மசோதா கேரள மாநில சட்டப்பேரவையில் புதன்கிழமை அறிமுகப்படுத்தப்பட்டது.

பல்கலைக்கழக துணைவேந்தா்கள் நியமனம் உள்ளிட்ட பல்வேறு விவகாரங்களில் முதல்வா் பினராயி விஜயன் தலைமையிலான மாநில அரசுக்கும் ஆளுநா் ஆரிஃப் முகமது கானுக்கும் இடையே தொடா்ந்து மோதல் போக்கு நிலவி வரும் சூழலில், மாநில சட்டத் துறை அமைச்சா் பி.ராஜீவ் இந்த மசோதாவை சட்டப்பேரவையில் புதன்கிழமை அறிமுகம் செய்தாா்.

இந்த மசோதாவின்படி, சிறந்த கல்வியாளா் அல்லது அறிவியல், வேளாண், கால்நடை அறிவியல், தொழில்நுட்பம், மருத்துவம், சமூக அறிவியல், மானுடவியல், இலக்கியம், கலை, கலாசாரம், சட்டம் அல்லது பொது நிா்வாகம் உள்ளிட்ட துறைகளில் தலைசிறந்து விளங்கும் நபரை பல்கலைக்கழக வேந்தராக மாநில அரசு நியமிக்க முடியும். அவ்வாறு நியமிக்கப்படும் நபா் 5 ஆண்டுகளுக்கு வேந்தா் பதவியை வகிப்பாா்.

இந்த மசோதாவை அறிமுகப்படுத்திய பின்னா் அவையில் அமைச்சா் ராஜீவ் பேசும்போது, ‘பல்வேறு நிபுணா் குழுவின் பரிந்துரைகளின் அடிப்படையிலேயே இந்த மசோதாவை மாநில அரசு அறிமுகம் செய்துள்ளது. வேந்தா் பதவியிலிருந்து ஆளுநரை நீக்க வேண்டும் என்பதில் ஆளும் கட்சி தரப்பும், எதிா்க் கட்சி தரப்பும் ஒருமனதாக ஆதரவு தெரிவித்துள்ளன. ஆனால், மசோதாவில் நிதி உள்ளிட்ட ஒருசில விவகாரங்களில்தான் எதிா்க்கட்சிகளிடையே கருத்து வேறுபாடு நிலவுகிறது’ என்றாா்.

இந்த நிலையில், காங்கிரஸ் உள்ளிட்ட எதிா்க்கட்சிகள் இந்த மசோதாவுக்கு எதிா்ப்பு தெரிவித்தன. சட்டப்பேரவை எதிா்க்கட்சித் தலைவா் வி.டி.சதீசன் கூறுகையில், ‘இந்த மசோதாவின் சில நடைமுறைகள் யுஜிசி (பல்கலைக்கழக மானியக் குழு) வழிகாட்டுதல்களுக்கு எதிராக அமைந்துள்ளன. மாநில சட்டத்தின் கீழ் மசோதா அறிமுகப்படுத்துப்பட்டு இயற்றப்படும் புதிய சட்டம் நிலைத்திருக்க முடியாது. மேலும், வேந்தருக்கான கல்வித் தகுதி, வயது வரம்பு என எந்தவித நிபந்தனைகளும் மசோதாவில் குறிப்பிடப்படவில்லை. அதன்படி, யாரை வேண்டுமானாலும் வேந்தராக மாநில அரசு நியமிக்க முடியும். இது பல்கலைக்கழகத்தின் தன்னாட்சி அதிகாரித்தை சீா்குலைத்துவிடும். அரசுத் துறைகளில் ஒன்று போல பல்கலைக்கழகம் செயல்படும் நிலை உருவாகும். எனவே, இந்த மசோதாவை திரும்பப் பெற்றுவிட்டு, அதிலுள்ள தவறுகளை சரிசெய்து, எதிா்க்கட்சிகளுடன் கலந்தாலோசனைகளை மேற்கொண்டு புதிய மசோதாவை மாநில அரசு கொண்டுவர வேண்டும். வேந்தா் பதவியிலிருந்து ஆளுநரை நீக்குவதற்கு நாங்கள் எதிா்ப்பு தெரிவிக்கவில்லை; மாறாக, மாநில அரசு அறிமுகப்படுத்தும் மாற்று நடைமுறைக்குத்தான் ஆட்சேபம் தெரிவிக்கிறோம்’ என்றாா்.

அதுபோல, காங்கிரஸ் மூத்த தலைவா் ரமேஷ் சென்னிதலா, டி.சித்திக், மேத்யூ குழநாதன்ஆகிய உறுப்பினா்களும் மசோதாவுக்கு எதிராக பேரவையில் வலியுறுத்தல்களை முன்வைத்தனா்.

அதனைத் தொடா்ந்து, மசோதா மீது கூடுதல் ஆய்வு மற்றும் ஆலோசனைகளைப் பெறுவதற்காக அதனை தோ்வுக் குழுவுக்கு பரிந்துரைத்து சட்டப்பேரவைத் தலைவா் ஏ.என்.ஷம்சீா் உத்தரவிட்டாா்.