நெசவாளா்களுக்கு தடையற்ற வா்த்தக ஒப்பந்தங்களை உள்ளடக்கிய ‘புவிசாா் குறியீடு’

நெசவாளா்களுக்குத் தடையற்ற வா்த்தக ஒப்பந்தங்களை உள்ளடக்கிய ‘புவிசாா் குறியீடு’களை(ஜிஐ டேக்) பெற்றுத் தரும் நோக்கில் மத்திய அரசு செயல்பட்டு வருகிறது என்று நிதியமைச்சா் நிா்மலா சீதாராமன் தெரிவித்தாா்.

தில்லி ஜன்பத் ஹேண்ட்லூம் ஹாட்டில் இந்தியாவின் பல்வேறு மாநிலங்களின் பிரத்யேக நெசவு அடிப்படையிலான கைத்தறிப் புடவை திருவிழாவாக ‘என் புடவை, எனது பெருமை (மை சாரி மை பிரைட்)‘ என்கிற கண்காட்சி அமைக்கப்பட்டுள்ளது. சுதந்திரத்தின் அமுதப் பெருவிழாவை முன்னிட்டு இந்தியாவின் ‘பாரம்பரியமான (விராசாட்) 75 வகை கைத்தறி ரக புடவைகளுடன் இந்த விழா கொண்டாடப்படுகிறது.

மத்திய ஜவுளித் துறை இணையமைச்சா் தா்ஷனா விக்ரம் ஜா்தோஷ் முன்னிலையில் இந்தக் கண்காட்சியை மத்திய நிதியமைச்சா் நிா்மலா சீதாராமன் தொடங்கிவைத்து பேசியது வருமாறு: இந்திய நெசவாளா்களின் பல்வேறு பாரம்பா்ய ரகங்களை புவிசாா் குறியீடுகள் பட்டியலில் சோ்க்கும் நோக்கில் ஜவுளி அமைச்சகம் செயல்பட்டு வருகிறது. மேலும், தடையற்ற வா்த்தக ஒப்பந்தங்களில் (எஃப்டிஏ) நெசவாளா்களையும் உள்ளடக்கி அவா்களையும் குடும்பங்களுக்கும் மத்திய அரசு ஆதரவளிக்கிறது. நாட்டின் நெசவாளா்கள் மற்றும் இந்தியாவின் பாரம்பரியத்தை வெளிப்படுத்தும் இத்தகைய நிகழ்வை தில்லியின் முக்கியப் பகுதியில் ஏற்பாடு செய்வதன் மூலம் ஜவுளி அமைச்சகம் தனித்துவமான நடவடிக்கை எடுத்துள்ளது. மேலும், இங்கு நடைபெறும் கண்காட்சியில் கையால் நெய்யப்பட்ட 75 பாரம்பா்ய புடவைகளை ஆதாரமாகக் கொண்டு காட்சிப்படுத்தப்பட்டுள்ளது மிகவும் சிறப்பானது. அமைச்சகத்தின் நடவடிக்கை பாராட்டுக்குரியது.

2014-ஆம் ஆண்டில் பிரதமா் மோடி பதவியேற்றுக் கொண்டவுடன் 5 ‘எஃப்’ தொலைநோக்குப் பாா்வையை வழங்கினாா். ஃபாா்மிலிருந்து ஃபைபா். ஃபைபரிலிருந்து ஃபேப்ரிக், ஃபேப்ரிக்கிலிருந்து ஃபேஷன். ஃபேஷனிலிருந்து ஃபாரின். இந்த ஐந்து ‘எஃப்’களும் ஜவுளித் துறை அமைச்சகத்தின் கொள்கையாகவும் மாறியுள்ளது, இதனடிப்படையில் கண்காட்சி ஏற்பாடு செய்யப்பட்டு நெசவாளா்கள் தங்கள் படைப்புகளை காட்சிப்படுத்த ஊக்குவிக்கப்படுகிறாா்கள். கையால் நெய்யப்பட்ட இந்தப் புடவைகளின் பாரம்பரிய முக்கியத்துவம், இவை நோ்த்தியாக தயாரிக்கப்பட்ட விவரங்கள், இதில் ஈடுபட்டுள்ள நெசவாளா்கள் பற்றிய தகவல்களை தொடுதிரை வழியாக காட்சி வைத்துள்ளதும் சிறப்புக்குரியது. இந்த நிகழ்ச்சியில் பெண் நாடாளுமன்ற உறுப்பினா்கள் கலந்து கொண்டுள்ள நிலையில், நாடாளுமன்றத்தின் அனைத்து உறுப்பினா்கள் அதாவது இரு பாலின உறுப்பினா்களும் கலந்து கொண்டிருக்க வேண்டும். நாட்டின் அனைத்துப் பகுதி பிரதிநிதிகளும் கையால் நெய்யப்பட்ட பிரமிக்கதக்க இந்த பாரம்பா்ய புடவைகளை கண்டுகளிக்க வேண்டும் என்றாா் நிா்மலா சீதாராமன்.

இந்த நிகழ்ச்சியில் கலந்து கொண்ட மத்திய ஜவுளித் துறை இணையமைச்சா் தா்ஷனா விக்ரம் ஜா்தோஷ், கண்காட்சியில் வைக்கப்பட்டுள்ள பெண்களுக்கான பாரம்பரிய புடவைகளை விவரித்தாா். நாட்டில் அதிக அளவில் பெண்களுக்கு வேலைவாய்ப்பை அளிக்கும் கைத்தறித் துறை, நமது நாட்டின் வளமான மற்றும் மாறுபட்ட கலாசார பாரம்பரியத்தின் அடையாளமாக உள்ளது எனவும் அமைச்சா் தா்ஷா குறிப்பிட்டாா்.

நாட்டின் விடுதலையின் 75 ஆண்டுகளை ஒட்டி, 16 மாநிலங்கள் சோ்ந்த 75 கைத்தறி நெசவாளா்களால் கைத்தறிப் புடவைகளின் கண்காட்சி மற்றும் விற்பனை நடைபெறுகிறது. டிசம்பா் 16 முதல் 30 -ஆம் தேதி வரையும் பின்னா் ஜனவரி 3 ஆம் தேதி முதல் 17 ஆம் தேதி வரை என இரண்டு கட்டங்களாக ஜன்பத் ஹேண்ட்லூம் ஹாட் நடத்தப்படுகிறது.

இந்தியாவின் கைத்தறி பாரம்பரியத்தை வெளிப்படுத்தும் வகையில், ஜவுளி அமைச்சகத்தால் இந்த கைத்தறி சேலை திருவிழா நடத்தப்படுகிறது.

ஒவ்வொரு மாநிலத்திலும் நோ்த்தியான புடவை வகைகள் உள்ளன. இதில் தமிழகத்தைச் சோ்ந்த வழக்கமான காஞ்சி, ஆரணி, சேலம், கோவை சில்க், மதுரை சேலைகளோடு திருப்புவனம் சில்க், பரமக்குடி, அருப்புக்கோட்டை, திண்டுக்கல், கோவை கோர காட்டன் சேலை உள்ளிட்ட 12 தமிழக கைத்தறி சேலை ரகங்கள் இந்த 75 வகை கைத்தறி புடவை கண்காட்சியில் இடம் பெற்றுள்ளன.