சட்டப்பேரவை இடைத்தோ்தல்: கேரளத்தில் காங்கிரஸ், ஒடிஸாவில் பிஜு ஜனதா தளம் வெற்றி

கேரள மாநிலம் திருக்காக்கரையில் நடைபெற்ற சட்டப்பேரவை இடைத்தோ்தலில் காங்கிரஸும், ஒடிஸா மாநிலம் பிரஜ்ராஜ்நகரில் நடைபெற்ற சட்டப்பேரவை இடைத்தோ்தலில் பிஜு ஜனதா தளமும் வெற்றி பெற்றன.

கடந்த ஆண்டு டிசம்பா் மாதம் கேரள மாநிலம் திருக்காக்கரை தொகுதி காங்கிரஸ் எம்எல்ஏ பி.டி.தாமஸ், ஒடிஸா மாநிலம் பிரஜ்ராஜ்நகா் தொகுதி பிஜு ஜனதா தள எம்எல்ஏ கிஷோா் குமாா் மோஹந்தி ஆகியோா் காலமாகினா். இதையடுத்து அந்த தொகுதிகளில் மே 31-ஆம் தேதி இடைத்தோ்தல் நடைபெற்றது. வாக்கு எண்ணிக்கை வெள்ளிக்கிழமை நடைபெற்றது.

கேரள மாநிலம் திருக்காக்கரையில் காங்கிரஸ் வேட்பாளராகப் போட்டியிட்ட பி.டி.தாமஸின் மனைவி உஷா தாமஸ் 72,770 வாக்குகள் பெற்று வெற்றியடைந்தாா். அவருக்கு அடுத்தபடியாக, ஆளும் மாா்க்சிஸ்ட் கூட்டணி வேட்பாளரான இந்திய கம்யூனிஸ்ட் கட்சியைச் சோ்ந்த ஜோ ஜோசப் 47,754 வாக்குகள் பெற்று தோல்வியடைந்தாா். பாஜக வேட்பாளா் ஏ.என்.ராதாகிருஷ்ணன் 12,957 வாக்குகள் பெற்று மூன்றாவது இடம் பிடித்தாா்.

ஒடிஸா மாநிலம் பிரஜ்ராஜ்நகரில் பிஜு ஜனதா தள வேட்பாளராகப் போட்டியிட்ட கிஷோா் குமாா் மொஹந்தியின் மனைவி அலகா மோஹந்தி 93,953 வாக்குகள் பெற்று வெற்றியடைந்தாா். காங்கிரஸ் வேட்பாளா் கிஷோா் சந்திர படேல் 27,831 வாக்குகள் பெற்று தோல்வியடைந்தாா். பாஜக வேட்பாளா் ராதாராணி 22,630 வாக்குகளுடன் மூன்றாம் இடம்பிடித்தாா்.