Enable Javscript for better performance
குழந்தைகளுக்கு வேண்டுகோள் விடுத்த பிரதமர் மோடி- Dinamani

உடனுக்கு உடன் செய்திகள்

    குழந்தைகளுக்கு வேண்டுகோள் விடுத்த பிரதமர் மோடி

    By DIN  |   Published On : 27th February 2022 12:01 PM  |   Last Updated : 27th February 2022 12:45 PM  |  அ+அ அ-  |  

    PM Modi exudes confidence of BJP winning in 5 state elections

    கோப்புப்படம்

    ஒவ்வொரு மாத இறுதி ஞாயிற்றுக்கிழமைகளில் 'மனதின் குரல்' நிகழ்ச்சியின் வாயிலாக பிரதமர் நரேந்திர மோடி மக்களிடம் உரையாற்றி வருகிறார்.

    அந்த வகையில், பிப்ரவரி மாதத்தின் கடைசி ஞாயிற்றுக்கிழமையான இன்று, 'மனதின் குரல்' நிகழ்ச்சியில் பேசிய மோடி, "இந்தியாவில் இருந்து பல சிலைகள் கடத்தி செல்லப்பட்டு, பல்வேறு நாடுகளில் விற்கப்பட்டன. அந்த சிலைகளை திரும்ப கொண்டு வருவது எங்கள் பொறுப்பு. 2013ஆம் ஆண்டு வரை 13 சிலைகள் மட்டுமே கொண்டுவரப்பட்டன. 

    ஆனால் 2014ஆம் ஆண்டுக்கு பிறகு அமெரிக்கா, பிரிட்டன், கனடா போன்ற நாடுகளில் இருந்து 200க்கும் மேற்பட்ட சிலைகளை இந்தியா கொண்டு வந்தோம்.

    தான்சானியாவைச் சேர்ந்த கிலியும் நீமாவும் இந்திய இசையில் ஆர்வம் காட்டியுள்ளனர். லதா மங்கேஷ்கருக்கு அஞ்சலி செலுத்தி, நமது தேசிய கீதத்தைப் பாடினர். அவர்களுக்கு நான் நன்றியுள்ளவனாக இருக்கிறேன். அவர்களைப் போலவே நம் குழந்தைகளும் அதையே செய்கிறார்கள். 

    உடன்பிறந்த இரட்டையர்களான கிலி மற்றும் நீமாவை போல, பிரபலமான பாடல்களுக்கு ஏற்ப உதடுகளை ஒத்திசைத்து விடியோ எடுக்குமாறுநான் அனைவரையும், குறிப்பாக வெவ்வேறு மாநிலங்களில் உள்ள குழந்தைகள் கேட்டுக்கொள்கிறேன். 'ஒரே இந்தியா வளமான இந்தியா' என்பதை மறுவரையறை செய்து இந்திய மொழிகளை பிரபலப்படுத்துவோம்.

    இதையும் படிக்க | கதர் ஆடைகளை மக்கள் வாங்க முன்வர வேண்டும் - 'மனதின் குரல்' நிகழ்ச்சியில் பிரதமர் மோடி!

    சிவராத்திரி, ஹோலி என பண்டிகைகள் நெருங்கி வருகின்றன. 'உள்ளூர் பொருள்களுக்கு முன்னுரிமை' அளிப்பதை கடைபிடித்து, உள்ளூர் சந்தைகளில் இருந்து கொள்முதல் செய்து பண்டிகைகளை கொண்டாடுமாறு அனைவரையும் கேட்டுக்கொள்கிறேன். இந்த பண்டிகைகளை உற்சாகத்துடன் கொண்டாடுங்கள். ஆனால் எச்சரிக்கையாக இருக்க மறக்காதீர்கள்" என்றார்.


    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    • அதிகம்
      படிக்கப்பட்டவை
    • அதிகம் பகிரப்பட்டவை
    kattana sevai
    flipboard facebook twitter whatsapp