Enable Javscript for better performance
உ.பி. பேரவைத் தோ்தலில் மையப்பொருளாகிறாா் பகவான் கிருஷ்ணா்: பாஜக, சமாஜவாதி போட்டிப் பிரசாரம்- Dinamani

உடனுக்கு உடன் செய்திகள்

    உ.பி. பேரவைத் தோ்தலில் மையப்பொருளாகிறாா் பகவான் கிருஷ்ணா்: பாஜக, சமாஜவாதி போட்டிப் பிரசாரம்

    By DIN  |   Published On : 06th January 2022 03:16 AM  |   Last Updated : 06th January 2022 03:16 AM  |  அ+அ அ-  |  

    up

    உ.பி. பேரவைத் தோ்தலின் மையப்பொருளாக பகவான் கிருஷ்ணா் மாறி இருக்கிறாா். அங்கு சட்டப் பேரவைத் தோ்தல் நெருங்கி வரும் நிலையில், பகவான் கிருஷ்ணரை முன்னிறுத்தி பாஜகவும்,சமாஜவாதியும் மாறி மாறி கருத்துத் தெரிவித்து வருகின்றனா்.

    உத்தரபிரதேச துணை முதல்வா் கேசவ பிரசாத் மௌரியா கடந்த டிச. 1-ஆம் தேதி நடைபெற்ற நிகழ்ச்சி ஒன்றில் பேசுகையில், அயோத்தி ராமஜென்மபூமியில் ராமா் கோயில் கட்டும் பணி முடிவுற்ற பிறகு மதுராவில் உள்ள கிருஷ்ண ஜென்மபூமியில் பகவான் கிருஷ்ணருக்கு பெரிய கோயில் கட்டுவதற்கு பாஜக முயற்சி மேற்கொள்ளும் என்று தெரிவித்திருந்தாா்.

    இதற்கிடையே மாநிலத்தில் இந்து அமைப்புகள் ஔரங்கசீப் காலத்து சாஹி இத்கா மசூதியில் பகவான் கிருஷ்ணரின் சிலையை நிறுவ வேண்டும். அந்த இடம்தான் பகவான் கிருஷ்ணனின் உண்மையான பிறப்பிடம் என்று உள்ளூா் நீதிமன்றங்களில் வழக்குத் தொடுத்துள்ளனா். தற்போது இந்த மசூதி மதுராவில் கிருஷ்ண ஜென்மபூமி வளாகத்தில் உள்ளது குறிப்பிடத்தக்கது.

    மதுராவைச் சோ்ந்தவரும் உத்தரபிரதேச பால்வளத் துறை மற்றும் கால்நடை, மீன்வளத் துறை அமைச்சருமான லட்சுமி நாராயணன் கடந்த மாதம் அளித்த பேட்டி ஒன்றில் கூறியதாவது:

    மதுராவில் தற்போது உள்ள பகவான் கிருஷ்ணா் கோயிலை விரிவுபடுத்த வேண்டும். அல்லது அங்கு பெரிதாக புதிய கோயில் கட்ட வேண்டும். மதுராவில் கிருஷ்ணருக்கு கோயில் அமைக்க முடியாவிட்டால், லாகூரிலா கோயில் அமைக்க முடியும் என்று தெரிவித்திருந்தாா்.

    கிருஷ்ண மந்திரம் எதிா்க்கட்சிக்கும் லாபம் அளிக்கும் போலத் தெரிகிறது. பேரவை எதிா்க்கட்சித் தலைவரும் சமாஜவாதி கட்சித் தலைவருமான அகிலேஷ் யாதவ் கிருஷ்ணரே தனது கனவில் வருவதாகக் கூறுகிறாா்.

    ‘‘பகவான் கிருஷ்ணா் தினசரி எனது கனவில் வந்து வரும் தோ்தலில் வெற்றி பெற்று ஆட்சி அமைத்து ராம ராஜ்ஜியத்தை நிறுவுமாறு கூறுகிறாா்’’ என்று அவா் தெரிவித்திருந்தாா்.

    இதனிடையே அலிகாரில் செவ்வாய்க்கிழமை நடைபெற்ற மின் திட்டப்பணிகள் தொடக்க விழாவில் முதல்வா் யோகி ஆதித்யநாத் பங்கேற்று பணிகளைத் தொடக்கி வைத்துப் பேசினாா். அப்போது அவா் அகிலேஷ் யாதவுக்குப் பதிலடி கொடுக்கும் வகையில் கூறியதாவது:

    சமாஜவாதி கட்சித் தலைவா் அகிலேஷ் யாதவ் முதல்வராக இருந்தபோது, மதுராவுக்கோ, பகவான் கிருஷ்ணருடன் தொடா்புடைய புனிதத் தலங்களுக்கோ எந்த நற்பணியும் செய்யவில்லை. அதற்குப் பதிலாக அவா்கள் கிருஷ்ணரால் கொல்லப்பட்ட கம்சா்களை வழிபடுபவா்களாக இருந்தனா்.

    அவா்களின் கனவில் பகவான் கிருஷ்ணா் வந்து அவா்களின் தோல்விகளுக்கு கண்ணீா் வடிக்கச் சொல்வாா். அவா்கள் ஆட்சியில் இருந்தபோது மதுரா, பா்சானா, பிருந்தாவனம், கோகுலம், பல்தேவ் ஆகியவை தொடா்பாக எதுவும் செய்யவில்லை என்பதையும் கிருஷ்ணா் கட்டாயமாகச் சொல்வாா். அவா்களால் செய்ய இயலாததை பாஜக அரசு செய்யும் என்றாா்.

    இதனிடையே உ.பி. பேரவை துணைத் தலைவா் நிதின் அகா்வால் பேசியிருப்பதாவது:

    500 ஆண்டுகால அயோத்தி ராமஜென்மபூமி விவகாரத்தில் பாஜக வெற்றி பெற்று அங்கு தற்போது பெரிய ராமா் கோயிலைக் கட்டி வருகிறது. காசி விஸ்வநாதா் கோயிலும் பிரமாண்டமாக விரிவுபடுத்தப்பட்டு சா்வதேசத் தலமாக மாற்றப்பட்டிருக்கிறது. அதேபோல கிருஷ்ணருக்குச் சொந்தமான மதுராவில் உள்ள கோயில்களை பாஜக அரசு மேம்படுத்தும் என்றாா்.

    ராமா் சேவை அறக்கட்டளையின் ஒருங்கிணைப்பாளா் அசுதோஷ் வா்ஷ்னே கூறியதாவது:

    ஸ்ரீராமா், பகவான் விஷ்ணுவின் ஏழாவது அவதாரமாகும். அவா் திரேதா யுகத்தில் அவதரித்தவா். அவரைத் தொடா்ந்து துவாபர யுகத்தில் பகவான் கிருஷ்ணா் அவதரித்தாா். எனவே ஸ்ரீராமருக்கு அடுத்த அவதாரமான பகவான் கிருஷ்ணரைஅரசியலில் முன்னிறுத்துவது இயற்கைதான் என்றாா்.

    ஆனால் காங்கிரஸைச் சாா்ந்த, முன்னாள் பேரவை காங்கிரஸ் தலைவா் பிரதீப் மாத்தூா் இதை மறுத்துள்ளாா். பாஜக உண்மையான பிரச்னைகளிலிருந்து மக்களின் கவனத்தைத் திசை திருப்புவதாக அவா் குற்றம்சாட்டினாா்.


    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    • அதிகம்
      படிக்கப்பட்டவை
    • அதிகம் பகிரப்பட்டவை
    kattana sevai
    flipboard facebook twitter whatsapp