Enable Javscript for better performance
பிறக்கும்போதே இறந்தவர்களுக்குத் திருமணம்! நெஞ்சை கனக்கச் செய்யும் மரபு- Dinamani

உடனுக்கு உடன் செய்திகள்

    30 ஆண்டுகளுக்கு முன்பு இறந்தவர்களுக்குத் திருமணம்! நெஞ்சை கனக்கச் செய்யும் மரபு (விடியோ)

    By DIN  |   Published On : 30th July 2022 12:16 PM  |   Last Updated : 30th July 2022 04:02 PM  |  அ+அ அ-  |  

    dead_wed

    30 ஆண்டுகளுக்கு முன்பு இறந்தவர்களுக்குத் திருமணம்!


    கர்நாடக மாநிலத்தில், பிறக்கும் போதே இறந்த மணமகனுக்கும், பிறக்கும் போதே இறந்த மணமகளுக்கும், அவர்களது சம்பிரதாயப்படி வெகுச் சிறப்பாக திருமணம் நடத்தி முடிக்கப்பட்டுள்ளது.

    டிவிட்டர் பயனாளர் ஒருவர், இந்த திருமண நிகழ்வில் கலந்து கொண்டு அது தொடர்பான விடியோவையும், தனது அனுபவத்தையும் பகிர்ந்து கொண்டுள்ளார்.

    அந்த டிவிட்டர் பயனாளர் கூறுகையில், தட்சிண கன்னடா பகுதியில் இப்படி வழக்கம் உள்ளது. அதாவது, தங்களது குடும்பத்தில் பிறக்கும் போதே ஏதேனும் ஒரு குழந்தை இறந்துவிட்டால், 30 ஆண்டுகளுக்குள், அதுபோல, பிறக்கும் போதே இறந்த மற்றொரு குடும்பத்தைச் சேர்ந்த குழந்தையுடன் தங்கள் மரபுப்படி திருமணம் செய்து வைப்பார்கள்.

    இதையும் படிக்க.. ஒரே குடும்பத்தில் 4 பிள்ளைகள் ஐஏஎஸ், ஐபிஎஸ் ஆன அதிசயம்

    நானும் இந்த திருமண நிகழ்ச்சியில் கலந்து கொண்டேன். ஏன் இந்த திருமண நிகழ்வு டிவிட்டரில் இந்த அளவுக்கு வைரலாகியிருக்கிறது என்றால், மணமகன் ஏற்கனவே இறந்துவிட்டார். மணமகளும் கூட இறந்துவிட்டார். அவர்கள் இறந்து 30 ஆண்டுகள் ஆகிறது என்று பதிவிட்டுள்ளார்.

    உயிரிழந்த அந்த இருவரின் குடும்பத்தினரும், வழக்கமான திருமணத்தை நடத்துவதற்கான அனைத்து ஏற்பாடுகளையும் செய்கிறார்கள். மணமகன் வீட்டார் மணமகள் வீட்டுக்குச் சென்று பெண் கேட்பார்கள். நிச்சயதார்த்தம் நடக்கிறது. மணமகன் வீட்டில் அல்லது மணமகள் வீட்டில் உறவினர்கள், சுற்றம், நட்பு என அனைவரையும் கூட்டி, வழக்கமான சம்பிரதாயங்கள் படி திருமணம் நடக்கிறது.

    மணமகன் வீட்டார், கூரைப் புடவை எடுத்து மணமகள் வீட்டாரிடம் கொடுக்கிறார்கள். மணமக்களுக்கு எடுத்த ஆடைகளை நாற்காலியில் வைத்து, பூ உள்ளிட்டவை கொண்டு அலங்காரம் செய்து தாலி கட்டும் நிகழ்வு நடக்கிறது.

    இதையும் படிக்க.. இதுவரை நல்ல விருந்தை ருசித்தார்.. இப்போது..: உத்தவ் கடும் தாக்கு

    பிறகு, மணமகளின் பெற்றோர், கூரைப் புடவை வைத்திருக்கும் தட்டை எடுத்து, தனது மகளை உங்களிடம் ஒப்படைப்பதாகக் கூறி மணமகனின் பெற்றோரிடம் வழங்குகிறார்கள். தங்களுக்குப் பிறந்த பெண் குழந்தை உயிரோடு இருந்திருந்தால் அதனை மணமுடித்துக் கொடுக்கும்போது எப்படி உணர்ச்சிவயப்படுவார்களோ அவ்வாறே பெற்றோர் கண்கள் கலங்குகின்றன. ஆனால் என்ன பெற்றப் பெண் இல்லையே என்ற வருத்தம்தான் மேலோங்கிறது.

     

    பிறகு மணமகன் - மணமகள் இருவரும் தம்பதி சமேதராய் மணமகன் வீட்டிற்கு அடிமிதிக்கும் சம்பிரதாயம் வெகு சிறப்பாக நடக்கிறது. மணமக்களுக்கு அளிக்கப்படும் அதே பிரமாண்ட வரவேற்பு குறையின்றி நடக்கிறது.
     

    இறந்தவர்களுக்குத்தான் திருமணம் நடைபெறுகிறதா என்று சந்தேகிக்கும் வகையில், இந்தத் திருமணம் எந்த சோகமோ அழுகையோ இன்றி வழக்கமான உற்சாகம் மற்றும் மகிழ்ச்சியோடு நடத்தப்படுகிறது.

     

    அது மட்டுமல்ல, பெண்ணை அலங்கரிக்க நேரம் கொடுப்பது, மாப்பிள்ளை அலங்காரமாகி முன்னரே திருமணம் நடக்கும் இடத்துக்கு வந்துவிட்டு, நேரமாகிறது என்று குரல் கொடுப்பது என அனைத்தும் இங்கு நடக்கிறது. மணமக்கள் அணியும் ஆடையே இங்கு மணமக்களாகக் கொண்டாடப்படுவது ஒன்று மட்டுமே மனதை கனக்கச் செய்வதாக உள்ளது. எனினும், இறந்த உயிர்களுக்கும் திருமணம் நடத்திப் பார்க்கும் இந்த மரபு பலருக்கும் ஆனந்தம் கலந்த ஆச்சரியத்தை அளித்துள்ளது என்றே கூறலாம்.

    நன்றி: விடியோ அன்னிஅருண்
     


    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    • அதிகம்
      படிக்கப்பட்டவை
    • அதிகம் பகிரப்பட்டவை
    kattana sevai
    flipboard facebook twitter whatsapp