வேளச்சேரி - பரங்கிமலை பறக்கும் ரயில் சேவை அட்டவணை வெளியீடு கட்சியின் பெயரை அறிவித்தார் சசிகலா!பங்குச்சந்தை: சென்செக்ஸ், நிஃப்டி கடும் சரிவு! ரூ. 9.5 லட்சம் கோடி இழப்பு!சசிகலாவின் தென்னந்தோப்பு சின்னத்தை இதற்கு முன் வைத்திருந்த கட்சி?சிலிண்டர் தட்டுப்பாடு! கவலையில் கேட்டரிங் நிறுவனங்கள்!இந்திய ரூபாயின் மதிப்பு 92.44 ஆகச் சரிவு!எரிபொருள் தட்டுப்பாடு! எதிர்க்கட்சிகள் அமளியால் மக்களவை ஒத்திவைப்பு!அதிமுகவில் இணைந்தார் காளியம்மாள்! மாநில அந்துஸ்து தராவிட்டால் கூட்டணி இல்லை! பாஜகவுக்கு என்.ஆர். காங்கிரஸ் அழுத்தம்?எரிபொருள் தட்டுப்பாடு! 17 கோடி பீப்பாய் கச்சா எண்ணெய் விடுவித்தது அமெரிக்கா!
/

பாஜக ஆட்சிக்கு வரும்போதெல்லாம் காங்கிரஸின் திட்டங்கள் கிடப்பில் போடப்படுகின்றன: அசோக் கெலாட்

எப்போதெல்லாம் மாநிலத்தில் பாஜக ஆட்சிக்கு வருகிறதோ அப்போதெல்லாம் காங்கிரஸால் தொடங்கப்பட்ட திட்டங்கள் கிடப்பில் போடப்படுவதாக ராஜஸ்தான் முதல்வர் அசோக் கெலாட் தெரிவித்துள்ளார்.

News image
Updated On :12 மே 2023, 2:19 pm

DIN

எப்போதெல்லாம் மாநிலத்தில் பாஜக ஆட்சிக்கு வருகிறதோ அப்போதெல்லாம் காங்கிரஸால் தொடங்கப்பட்ட திட்டங்கள் கிடப்பில் போடப்படுவதாக ராஜஸ்தான் முதல்வர் அசோக் கெலாட் தெரிவித்துள்ளார்.

அவரது இந்த குற்றச்சாட்டுக்கு உதாரணமாக பார்மர் சுத்திகரிப்பு நிலைய திட்டத்தினை தெரிவித்தார். தாமதப்படுத்தப்பட்டதால் இந்த திட்டத்துக்கு அதிக அளவில் கூடுதலாக பணம் செலவானதாக அவர் தெரிவித்துள்ளார். ராஜஸ்தானின் ஆழ்வார் மாவட்டத்தில் பேசிய அவர் இதனை தெரிவித்தார்.

இது தொடர்பாக அவர் பேசியதாவது: கிழக்கு ராஜஸ்தான் கால்வாய் திட்டத்தை பாஜக எதிர்க்கிறது. இந்த திட்டம் ஆழ்வார் மாவட்டம் உட்பட 13 மாவட்டங்களின் குடிநீர் தேவையை பூர்த்தி செய்யும். எனது தலைமையிலான அரசு இந்த திட்டத்தை தொடர்ந்து வருகிறது. இந்தத் திட்டம் ராஜஸ்தான் மாநிலத்தின் முன்னாள் முதல்வர் வசுந்தரா ராஜேவால் தொடங்கப்பட்டது. இந்த திட்டத்தினை தேசிய முக்கியத்துவம் வாய்ந்த திட்டமாக அறிவிப்பதாக பிரதமர் உறுதியளித்திருந்தார். இது தொடர்பாக பிரதமருக்கு நான் கடிதங்களை எழுதியுள்ளேன். ஆனால், எனக்கு எந்த ஒரு பதிலும் இதுவரை கிடைக்கவில்லை. மாநிலத்தில் பாஜக ஆட்சியமைத்தால் காங்கிரஸின் திட்டங்கள் கிடப்பில் போடப்படுகின்றன. வருகிற ராஜஸ்தான் பேரவைத் தேர்தலில் மக்கள் காங்கிரஸுக்கு வாக்களித்து மீண்டும் ஆட்சியில் அமர வைப்பார்கள் என்ற நம்பிக்கை உள்ளது என்றார்.

தினமணி செய்திமடலைப் பெற... Newsletter

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Arattai, Google News

உடனுக்குடன் செய்திகளை அறிய தினமணி App பதிவிறக்கம் செய்யவும்.