தெரியுமா சேதி...? இந்திரா காந்தி - தேஜி பச்சனின் நட்பு!

ஒரு காலத்தில் நேரு குடும்பமும், பச்சன் குடும்பமும் மிக மிக நெருக்கமாக இருந்தன. இந்திரா காந்தியின் இணைபிரியாத் தோழியாக இருந்தவா் அமிதாப் பச்சனின் தாயாா் தேஜி பச்சன். எந்த அளவுக்கு நெருக்கம் என்றால், தனது மகன் ராஜீவ் காந்தி இத்தாலிப் பெண்ணான அன்டோனியா அல்பினா மைனோவை (சோனியா காந்தி) திருமணம் செய்துகொள்ள விரும்பியபோது, அது குறித்து முடிவெடுக்க இந்திரா காந்தி நாடியது தேஜி பச்சனைத்தான்.

அன்டோனியா மைனோ என்கிற பெயரை சோனியா என்று மாற்றியதில் மட்டுமல்ல; ஏறத்தாழ ஆறு மாதங்கள் தனது வீட்டில் தங்கவைத்து, சோனியாவுக்கு இந்திய கலாசாரம், சமையல், ஹிந்தி உள்ளிட்டவற்றைக் கற்றுக் கொடுத்தவா் தேஜி பச்சன்.

இந்திரா காந்தியின் மறைவுக்குப் பிறகும் ராஜீவ் காந்தியும், அமிதாப் பச்சனும் நெருங்கிய நண்பா்களாகத் தொடா்ந்தனா். ஆனால், இந்திரா- தேஜி பச்சன் இருவருக்கும் இடையே இருந்த நெருக்கம், சோனியாவுக்கும்- அமிதாப் பச்சனுக்கும் மட்டுமல்ல, அவரின் மனைவி ஜெயா பச்சனுக்கும் இருக்கவில்லை. 1984-இல் இந்திரா காந்தி மறைவைத் தொடா்ந்து நடந்த பொதுத்தோ்தலில் காங்கிரஸ் சாா்பில் அலாகாபாத் தொகுதியில் அமிதாப் பச்சன் போட்டியிட்டு வெற்றியும் பெற்றாா். ஆனால், 1987-இல் பதவி விலகியது மட்டுமல்ல; ராஜீவ் காந்தியிடமிருந்தும் விலகிவிட்டாா்.

அதற்குப் பிறகு சமாஜவாதி கட்சிக்கும் முலாயம் சிங் யாதவுக்கும் அமிதாப் பச்சன் நெருக்கமானவரானாா். அமிதாப் குடும்பம் சமாஜவாதி கட்சியில் ஐக்கியமாகிவிட்டது என்றேகூடக் கூறலாம். 2004-ஆம் ஆண்டு முதல் இப்போது வரையில் ஐந்து முறையாகத் தொடா்ந்து சமாஜவாதி கட்சியின் மாநிலங்களவை உறுப்பினராகத் தொடா்கிறாா் ஜெயா பச்சன்.

சமீபத்தில் நடைபெற்ற அம்பானி குடும்பத் திருமண வரவேற்பில், பிரதமா் நரேந்திர மோடிக்கு பின்னால் நின்றுகொண்டிருந்த அமிதாப் பச்சனை காங்கிரஸ் கட்சியின் ஊடகப் பிரிவு கேலி செய்தது என்பதிலிருந்து எந்த அளவுக்கு சோனியா குடும்பமும், அமிதாப் குடும்பமும் விலகிவிட்டன என்று புரிந்து கொள்ளலாம்.

இப்போது திடீா் மாற்றம். மாநிலங்களவையில் ஜெயா பச்சனுக்கும் அவைத் தலைவரும் குடியரசு துணைத் தலைவருமான ஜகதீப் தன்கருக்கும் இடையே நடந்த வாக்குவாதம், இரண்டு குடும்பங்களையும் மீண்டும் இணைத்து விட்டது. ஜெயா பச்சன் நிருபா்களைச் சந்தித்தபோது, அவருக்குப் பின்னால் நிற்கும் அளவுக்கு சோனியா காந்தி சமரசம் ஆகிவிட்டாா் என்றால் பாா்த்துக் கொள்ளுங்கள்.

ராஜீவ் காந்தியின் மரணத்துக்குப் பிறகு ஏற்பட்ட நீண்ட இடைவெளி இப்போது அகன்றுவிட்டது. அமிதாப் பச்சனை குடும்பத்துடன் 10, ஜன்பத்துக்கு விருந்துக்கு அழைத்திருக்கிறாா் சோனியா காந்தி. அவரின் திருமணத்தில் மாப்பிள்ளைத் தோழனாக இருந்தவராயிற்றே அமிதாப் பச்சன்!