கடும் பனிமூட்டம்: தில்லியின் வெப்பநிலை 8 டிகிரி செல்சியஸ்!

தில்லியில் இன்று(சனிக்கிழமை) காலை வெப்பநிலை 8 டிகிரி செல்சியஸாகப் பதிவாகியுள்ளது.

தில்லியில் கோடைக் காலங்களில் 50 டிகிரிக்கும் அதிகமான வெப்பநிலை பதிவாகி வந்த நிலையில், சமீபமாக வெப்பநிலை மிகவும் குறைந்துள்ளது.

தில்லியில் கடந்த டிச. 12 ஆம் தேதி இதுவரை இல்லாத அளவுக்கு 4.5 டிகிரி செல்சியஸ் வெப்பநிலை பதிவானது. சில இடங்களில் 4 டிகிரி செல்சியஸைவிடவும் குறைவாக பதிவானது.

இதையும் படிக்க | மலையாள எழுத்தாளர் எம்.டி. வாசுதேவன் நாயர் கவலைக்கிடம்!

இதனால் தில்லியில் குளிர் அலை உருவாகியுள்ளது. இன்றும் தில்லியின் பெரும்பாலான பகுதிகளில் பனி மூட்டம் காணப்படுகிறது.

தில்லியில் இன்று(சனிக்கிழமை) காலை வெப்பநிலை 8 டிகிரி செல்சியஸாகப் பதிவாகியுள்ளதாக வானிலை ஆய்வு மையம் தெரிவித்துள்ளது.

தில்லியில் காற்றின் தரம் 'மிகவும் மோசம்' பிரிவில் உள்ளது. காற்று தரக்குறியீடு இன்று காலை 8 மணிக்கு 395 ஆகப் பதிவாகியுள்ளது குறிப்பிடத்தக்கது.