1 கோடியைத் தாண்டியது இன்ஸ்டாகிராமில் ராகுலைப் பின்தொடர்வோர் எண்ணிக்கை!

காங்கிரஸ் தலைவர் ராகுல் காந்தியை இன்ஸ்டாகிராமில் பின்தொடர்வோரின் எண்ணிக்கை 1 கோடியைத் தாண்டியுள்ளது.

காங்கிரஸ், கடந்த 2019 மக்களவைத் தோ்தலில் 52 இடங்களை மட்டுமே கைபற்றி இருந்த நிலையில் இந்த முறை 99 இடங்களில் வெற்றி பெற்றுள்ளது.

18-ஆவது மக்களவைத் தோ்தலில் உத்தர பிரதேச மாநிலம் ரேபரேலி, கேரள மாநிலம் வயநாடு தொகுதிகளில் போட்டியிட்ட ராகுல் காந்தி, இரு தொகுதிகளிலும் அபார வெற்றி பெற்றார்.

இந்த நிலையில், காங்கிரஸ் தலைவர் ராகுல் காந்தியை இன்ஸ்டாகிராமில் பின்தொடர்பவர்களின் எண்ணிக்கை 1 கோடியைத் தாண்டியுள்ளது.

ராகுல் காந்தியின் இன்ஸ்டாகிராம் விடியோக்கள் தினமும் கோடிக்கணக்கான பார்வைகளைப் பெற்று இளைஞர்களிடம் சென்றடைவதாகவும், கடந்த 24 மணி நேரத்தில் மட்டும் ராகுலின் இன்ஸ்டாகிராம் பக்கத்தை 15 லட்சம் பேர் பின்தொடர்ந்துள்ளதாகவும் தகவல்கள் தெரிவிக்கின்றன.