மேற்கு வங்க ரயில் விபத்து எதிரொலி: 19 ரயில்கள் ரத்து!

மேற்கு வங்கத்தின், டார்ஜிலிங் மாவட்டத்தில் உள்ள நியூ ஜல்பைகுரி அருகே கஞ்சன்ஜங்கா விரைவு ரயில் (வண்டி எண்: 13174) மீது பின்னால் வந்த சரக்கு ரயில் மோதி இன்று (ஜூன் 17) விபத்துக்குள்ளானது.

இந்த விபத்தில் ரயில் பெட்டிகள் பல தடம்புரண்டன. தகவல் அறிந்து சம்பவ இடத்துக்கு விரைந்த மீட்புக் குழுவினர் மீட்பு நடவடிக்கையில் ஈடுபட்டுள்ளனர்.

மேலும், இந்த விபத்தில் லோகோ பைலட் உள்பட 9 பேர் பலியானதாகவும், 60-க்கும் மேற்பட்டோர் காயமடைந்துள்ளதாகவும் முதற்கட்ட விசாரணையில் தகவல்கள் வெளியாகியுள்ளன.

இந்த நிலையில் நியூ ஜல்பைகுரி, சிலிகுரி சந்திப்பு, பாக்டோக்ரா, அளுவாபுரியா வழியாக செல்லக்கூடிய 19 ரயில்கள் ரத்து செய்யப்பட்டுள்ளதாக வடகிழக்கு எல்லைப்புற ரயில்வே மண்டலம் தெரிவித்துள்ளது.

ரத்து செய்யப்பட்ட ரயில்களின் விவரங்கள் பின்வருமாறு:

1. நியூ ஜல்பைகுரி - உதய்பூர் சிட்டி வாராந்திர எக்ஸ்பிரஸ்(19602)

2. திப்ருகர்-புதுதில்லி ராஜ்தானி எக்ஸ்பிரஸ் (20503)

3. திப்ருகர்-புதுதில்லி ராஜ்தானி எக்ஸ்பிரஸ் (12423)

4. அகர்தலா-ராணி கம்லாபதி சிறப்பு ரயில் (01666)

5. சீல்டா-புதிய அலிபுர்துவார் படடிக் எக்ஸ்பிரஸ் (12377)

6. நாகர்கோவில் ஜூனி - திப்ருகர் சிறப்பு (06105)

7. புது தில்லி- திப்ருகர் ராஜ்தானி எக்ஸ்பிரஸ் (20506)

8. புது தில்லி- திப்ருகர் ராஜ்தானி எக்ஸ்பிரஸ் (12424)

9. ஹவுரா-நியூ ஜல்பைகுரி வந்தே பாரத் எக்ஸ்பிரஸ் (22301)

10.குவஹாத்தி- ஹவுரா சராய்காட் எக்ஸ்பிரஸ் (12346)

11. காமாக்யா ஆனந்த் விஹார் வடகிழக்கு எக்ஸ்பிரஸ் (12505)

12. குவஹாத்தி-பெங்களூரு எக்ஸ்பிரஸ் (12510)

13. நியூ ஜல்பைகுரி- ஹவுரா வந்தே பாரத் எக்ஸ்பிரஸ் (22302)

14. காமாக்யா-கயா எக்ஸ்பிரஸ் (15620)

15. திப்ருகர்- ஹவுரா கம்ரூப் எக்ஸ்பிரஸ் (15962)

16. குவஹாத்தி-ஓக்ஹா எக்ஸ்பிரஸ் (15636)

17. நியூ டின்சுகியா-தாம்பரம் எக்ஸ்பிரஸ் (15930)

18. பாமன்ஹாட்-சீல்டா உத்தர் பங்கா எக்ஸ்பிரஸ் (13148)

19. திப்ருகர்-கன்னியாகுமரி எக்ஸ்பிரஸ் (22504)