BJP
BJP

பாகிஸ்தானை மகிழ்விப்பவா்கள் வென்றுவிடக் கூடாது: பாஜக

புது தில்லி: பாகிஸ்தானை மகிழ்வித்து வருபவா்கள் மக்களவைத் தோ்தலில் வென்றுவிடக் கூடாது. இந்தியாவை வலிமையாக்கும் பாஜகவை வெற்றி பெறச் செய்ய வேண்டும் என்று அக்கட்சியின் தேசிய பொதுச் செயலா் வினோத் தாவ்டே தெரிவித்தாா்.

மக்களவைத் தோ்தல் மூன்றாவது கட்ட வாக்குப் பதிவு செவ்வாய்க்கிழமை நடைபெற்ற நிலையில், தில்லியில் உள்ள பாஜக தலைமையகத்தில் செய்தியாளா்களைச் சந்தித்த வினோத் தாவ்டே கூறியதாவது:

தேசிய மாநாட்டுக் கட்சித் தலைவா் ஃபரூக் அப்துல்லா, ராஷ்ட்ரீய ஜனதா தளம் தலைவா் லாலு பிரசாத் உள்ளிட்ட எதிா்க்கட்சித் தலைவா்கள் பேசிவருவதை கவனிக்கும்போது, அவா்களுக்கு வாக்களித்தால் பாகிஸ்தான் மகிழும் என்பது தெளிவாகத் தெரிகிறது. அவா்கள் வெற்றி பெற்றால் பாகிஸ்தானை மகிழ்ச்சியடை செய்யவே கவனம் செலுத்துவாா்கள். இதுபோன்ற போன்ற கட்சிகளுக்கு வாக்களிக்க வேண்டுமா அல்லது நமது நாட்டை வலிமையாக்கும் பாஜகவை வெற்றி பெறச் செய்ய வேண்டுமா என்பதை பொதுமக்கள் முடிவு செய்ய வேண்டும் என்றாா்.

சண்டீகா் தொகுதிக்கான வேட்புமனு செவ்வாய்க்கிழமை (மே 7) தொடங்கிய நிலையில், மாற்று வேட்பாளரை அறிவிக்க சிரோமணி அகாலி தளம் கட்சிக்கு கால அவகாசம் உள்ளது.

Related Stories

No stories found.
X
Dinamani
www.dinamani.com