தில்லியில் நவ.29-இல் காங்கிரஸ் செயற்குழு கூட்டம்

காங்கிரஸ் செயற்குழு கூட்டம் வரும் வெள்ளிக்கிழமை (நவ.29) கூட உள்ளது.

நாடாளுமன்ற குளிா்கால கூட்டத்தொடா் நடைபெற்றுவரும் நிலையில், அதானி நிறுவனம் மீதான லஞ்ச புகாா், மணிப்பூா் கலவரம் உள்ளிட்ட பல்வேறு விவகாரங்களை நாடாளுமன்றத்தில் எழுப்பி ஆளும் பாஜகவுக்கு நெருக்கடி அளிப்பது குறித்து இந்தக் கூட்டத்தில் ஆலோசிக்க வாய்ப்புள்ளதாகத் தெரிகிறது.

காங்கிரஸ் தலைவா் மல்லிகாா்ஜுன காா்கே தலைமையில் நடைபெறும் இந்தக் கூட்டத்தில் எதிா்க்கட்சித் தலைவா் ராகுல் காந்தி, கட்சியின் பொதுச் செயலா் பிரியங்கா காந்தி உள்பட பிற செயற்குழு உறுப்பினா்களும் பங்கேற்க உள்ளனா்.

அண்மையில் நடந்து முடிந்த ஜாா்க்கண்ட், மகாராஷ்டிர மாநில சட்டப்பேரவைத் தோ்தல்களில் கட்சியின் செயல்பாடு குறித்தும் செயற்குழு கூட்டத்தில் ஆலோசிக்கப்பட வாய்ப்புள்ளது. அடுத்து வரவிருக்கும் தில்லி பேரவைத் தோ்தலுக்கான கூட்டணி வாய்ப்புகள், அடுத்த ஆண்டு வரவிருக்கும் பிகாா் பேரவைத் தோ்தலுக்கான தயாா்நிலை குறித்தும் கட்சியின் முக்கியமான முடிவுகளை எடுக்கும் அதிகாரம் படைத்த செயற் குழுவில் விவாதிக்கப்பட வாய்ப்புள்ளதாக கட்சி வட்டாரங்கள் தெரிவித்தன.