படத் தயாரிப்பாளர் தில் ராஜுவுக்குச் சொந்தமான இடங்களில் வருமான வரித்துறை சோதனை!

ஹைதராபாத் : திரைப்படத் தயாரிப்பாளர் தில் ராஜுவுக்குச் சொந்தமான இடங்களில் வருமான வரித்துறை அதிகாரிகள் சோதனை நடத்தி வருகின்றனர்.

அவருக்குச் சொந்தமான 8 இடங்களில் வருமான வரித்துறை சோதனை நடைபெற்று வருவதாகத் தெரிவிக்கப்பட்டுள்ளது. அவருடைய வீடு, அலுவலகம் மட்டுமல்லாது அவருக்கு நெருங்கிய உறவினர்களுக்குச் சொந்தமான இடங்களிலும் அதிகாரிகள் சோதனையில் ஈடுபட்டுள்ளனர்.

வேலம்குச்ச வேங்கட ரமண ரெட்டி என்ற இயற்பெயர் கொண்ட தில் ராஜு ‘ஸ்ரீ வெங்கடேஸ்வரா க்ரியேசன்ஸ்’ என்ர பெயரில் திரைப்படத் தயாரிப்பு நிறுவனத்தை நிறுவியுள்ளார். அண்மையில், அவர் ‘தெலங்கானா திரைப்பட மேம்பாட்டுக் கழகத்தின்’ தலைவர் பொறுப்பில் நியமிக்கப்பட்டுள்ளார்.

அவர் தயாரித்த ‘கேம் சேஞ்சர்’ மற்றும் ‘சங்கராந்திகி வஸ்துன்னம்’ ஆகிய இரு படங்களும் இம்மாதம் வெளியாகி நல்ல வசூலை ஈட்டி வருவதும் குறிப்பிடத்தக்கது.