ஸ்பைஸ்ஜெட் விமானம் புறப்பட்ட சிறிது நேரத்திலேயே, தொழில்நுட்பக் கோளாறு காரணமாக ஹைதராபாத்தில் அவசரமான தரையிறக்கப்பட்டது.
ஹைதராபாத்-திருப்பதிக்கு இன்று காலை 6.10 மணிக்குப் புறப்பட வேண்டிய ஸ்பைஸ்ஜெட் விமானம் SG 2696, காலை 6.19 மணிக்குப் புறப்பட்டு, காலை 7.40 மணிக்குத் திருப்பதியில் தரையிறங்கும் என்று எதிர்பார்க்கப்பட்டது.
இந்த நிலையில், ஸ்பைஸ்ஜெட் விமானம் புறப்பட்ட சிறிது நேரத்திலேயே தொழில்நுட்ப கோளாறு காரணமாக திரும்பி ஹைதராபாத் ராஜீவ் காந்தி சர்வதேச விமான நிலையத்தில் தரையிறங்கியது என்று வட்டாரங்கள் தெரிவித்தன.
இதனைத் தொடர்ந்து, ஹைதராபாத்தில் அவசரமாகத் தரையிறக்கப்பட்ட விமானம் ஆய்வுக்கு உட்படுத்தப்பட்டிருப்பதாக ஸ்பைஸ்ஜெட் நிறுவனம் தெரிவித்துள்ளது.
ஜூன் 12ல் குஜராத்தின் அகமதாபாத் விபத்துக்குப் பிறகு கடந்த 7 நாள்களில் அதிகளவிலான இந்திய விமானங்கள் தொழில்நுட்பக் கோளாறு ஏற்படுவதும், அவசர தரையிறக்கம் செய்வதும் நடைபெற்று வருகின்றது. இது பயணிகளிடையே பெரும் அதிருப்தியையும், பதற்றத்தையும் ஏற்படுத்தியுள்ளது.
தினமணி செய்திமடலைப் பெற... Newsletter
தினமணி'யை வாட்ஸ்ஆப் சேனலில் பின்தொடர... WhatsApp
தினமணியைத் தொடர: Facebook, Twitter, Instagram, Youtube, Telegram, Threads
உடனுக்குடன் செய்திகளை அறிய தினமணி App பதிவிறக்கம் செய்யவும்.