செய்தி மடல்
இ-பேப்பர்
பட்டாசு வெடிப்பதால் நோய்கள் குணமாகும்: பாஜக எம்.எல்.ஏ. சர்ச்சை கருத்து!
பட்டாசு வெடிப்பதால் நோய்கள் குணமாகும் என பாஜக சட்டப்பேரவை உறுப்பினர் பாபியா அதிகாரி தெரிவித்திருப்பது குறித்து...
பாஜக சட்டப்பேரவை உறுப்பினர் பாபியா அதிகாரி - படம் - ஏஎன்ஐ
பட்டாசு வெடிப்பதால் நோய்கள் குணமாகும் என பாஜக சட்டப்பேரவை உறுப்பினர் பாபியா அதிகாரி பேசியுள்ளது சமூக ஊடகங்களில் சர்ச்சையாகி வருகிறது.
தீபாவளி பண்டிகை நேற்று (நவ. 9) கோலாகலமாக கொண்டாடப்பட்ட நிலையில், மேற்கு வங்கம், கொல்கத்தாவின் டோலிகஞ்ச் பகுதியில் நடைபெற்ற காளி பூஜை பந்தல் திறப்பு விழாவில் பாஜக எம்.எல்.ஏ. பாபியா அதிகாரி கலந்து கொண்டு பேசினார்.
அந்த நேரத்தில் அங்கு பலத்த சத்தத்துடன் பட்டாசு ஒன்று வெடித்தது. அப்போது அவர் பேசியதாவது:
பட்டாசு வெடிப்பதால் பல நோய்கள் குணமாகும். எங்கள் முதல்வர் பட்டாசுகள் வெடிப்போம் என்று கூறியுள்ளார். பட்டாசுகள் இல்லாமல் காளி பூஜை எப்படி முழுமையடையும்? நாங்கள் நிச்சயமாக பட்டாசுகளை வெடிப்போம். இருப்பினும், காவல்துறையின் வழிகாட்டுதல்களைப் பின்பற்றுவோம்.
இதனிடையே, தீபாவளி நாளன்று பட்டாசு வெடிப்பதற்கு நிர்ணயிக்கப்பட்ட காலக்கெடு முடிந்த பிறகும் தில்லியின் பல பகுதிகளில் பட்டாசுகள் வெடிக்கப்பட்டன. இதனால், அங்கு 5 ஆண்டுகளுக்கு இல்லாத அளவில் இந்தாண்டு காற்று மாசுபாடு அதிகரித்துள்ளது குறிப்பிடத்தக்கது.
Summary
BJP MLA Papiya Adhikari’s statement that bursting firecrackers can cure diseases has sparked controversy on social media.
தினமணி செய்திமடலைப் பெற... Newsletter
தினமணி'யை வாட்ஸ்ஆப் சேனலில் பின்தொடர... WhatsApp
தினமணியைத் தொடர: Facebook, Twitter, Instagram, Youtube, Telegram, Threads, Arattai, Google News
உடனுக்குடன் செய்திகளை அறிய தினமணி App பதிவிறக்கம் செய்யவும்.
பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.