உ.பி. முதல்வர் யோகி ஆதித்யநாத்தின் தாயார் மறைவு: அமித் ஷா இரங்கல் வி.எஸ். பாபு உடலை சுமந்து சென்றார் முதல்வர் விஜய்!ஒரே நேரத்தில் பணியாளர்கள் ராஜிநாமா செய்தனரா? வழிகாட்டுதல் தமிழ்நாடு விளக்கம்திருப்பரங்குன்றம் தீபம்! தேவைப்பட்டால் துணை ராணுவத்தை பயன்படுத்தலாம்!திருப்பரங்குன்றம் தூணில் தீபம் ஏற்ற அனுமதி! உச்ச நீதிமன்றத்தின் முக்கிய நிபந்தனைகள்!!திருப்பரங்குன்றம்: நிபந்தனையுடன் தீபமேற்ற உச்சநீதிமன்றம் அனுமதிகாவிரி: அனைத்துக் கட்சிக் கூட்டத்தைக் கூட்ட மு.க. ஸ்டாலின் வலியுறுத்தல்முதல்வர் விஜய் தலைமையில் நவ. 25-இல் முதலீட்டாளர்கள் மாநாடு!

நவ.22-ல் நேபாள பிரதமர் பாலேந்திர ஷா இந்தியா வருகை! முர்மு, மோடியுடன் சந்திப்பு!

நேபாள பிரதமர் பாலேந்திர ஷா இந்தியா வருவது குறித்து...

Nepal PM Balendra Shah to make first bilateral foreign visit to India on November 22

நேபாள பிரதமர் பாலேந்திர ஷா - கோப்புப் படம்

Updated On :

நேபாள நாட்டின் பிரதமர் பாலேந்திர ஷா வரும் நவ. 22 ஆம் தேதி அரசு முறைப் பயணமாக இந்தியாவுக்கு வருவதாகத் தெரிவிக்கப்பட்டுள்ளது.

நேபாளத்தில் நடைபெற்ற ஜென் - ஸி போராட்டங்களைத் தொடர்ந்து, இளைஞர்களின் ஆதரவைப் பெற்ற பாடகர் பாலேந்திர ஷா, பொதுத் தேர்தலில் வெற்றி பெற்று கடந்த மார்ச் மாதம் பிரதமராகப் பதவியேற்றுக் கொண்டார்.

இந்த நிலையில், பிரதமராகப் பதவியேற்ற பின்பு தனது முதல் வெளிநாட்டுப் பயணமாக பாலேந்திர ஷா வரும் ஞாயிற்றுக்கிழமை (நவ. 22) இந்தியாவுக்கு வருகை தருகிறார்.

நேபாள பிரதமரின் 2 நாள் இந்தப் பயணத்தில், அந்நாட்டின் நிதியமைச்சர் ஸ்வர்னி வாக்லே, வெளியுறவு அமைச்சர் ஷிசிர் கானல் ஆகியோர் உள்பட சுமார் 34 பேர் கொண்ட குழுவினரும் இந்தியா வருகின்றனர்.

இந்தப் பயணத்தில், குடியரசுத் தலைவர் திரௌபதி முர்மு, பிரதமர் நரேந்திர மோடி மற்றும் வெளியுறவு அமைச்சர் ஜெய்சங்கர் ஆகியோரைச் சந்திக்கும் நேபாள பிரதமர் ஷா, இருநாடுகள் இடையேயான முக்கிய பேச்சுவார்த்தைகளை மேற்கொள்வார் எனத் தெரிவிக்கப்பட்டுள்ளது.

இந்தச் சந்திப்புகளில், கல்வி, சுகாதாரம், விவசாயம், விண்வெளி, பேரிடர் மேலாண்மை மற்றும் மனித வளம் ஆகிய துறைகளில் இந்தியா மற்றும் நேபாளம் இடையே புரிந்துணர்வு ஒப்பந்தங்கள் கையெழுத்தாகும் என எதிர்பார்க்கப்படுகிறது.

முன்னதாக, நேபாளத்தில் புதியதாகப் பதவியேற்கும் பிரதமர்கள் தங்களது முதல் வெளிநாட்டுப் பயணமாக இந்தியாவுக்கு வருவதையே பாரம்பரியமாகப் பின்பற்றி வருகின்றனர். ஆனால், முன்னாள் பிரதமர் சர்மா ஓலி கடந்த 2024 ஆம் ஆண்டு தனது முதல் வெளிநாட்டுப் பயணமாக சீனாவுக்குச் சென்றது குறிப்பிடத்தக்கது.

Summary

Nepal PM Balendra Shah will visit India on an official trip on November 22.

தினமணி செய்திமடலைப் பெற... Newsletter

தினமணியைத் தொடர: Facebook, Twitter, Instagram, Youtube, Telegram, Threads, Arattai, Google News

உடனுக்குடன் செய்திகளை அறிய தினமணி App பதிவிறக்கம் செய்யவும்.

பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.