அட்சய திருதியை: அஞ்சல் அலுவலகங்களில் தங்கக் காசு விற்பனை

அட்சய திருதியையொட்டி, கிருஷ்ணகிரி மாவட்ட அஞ்சல் அலுவலகங்களில் வருகிற 13-ஆம் தங்கக் காசுகள் விற்பனை செய்யப்பட உள்ளது.

இதுகுறித்து கோட்ட கண்காணிப்பாளர் பால் அதிசயநாதன் வெள்ளிக்கிழமை வெளியிட்ட செய்திக் குறிப்பு:

கிருஷ்ணகிரி தலைமை தபால் நிலையம், காவேரிப்பட்டணம், ஓசூர் துணை தபால் நிலையங்களில் தங்கக் காசுகள் விற்பனை செய்யப்பட்டு வருகின்றன.

வருகிற 13-ஆம் தேதி அட்சய திருதியை முன்னிட்டும், 15, 16-ஆம் தேதிகளில் பூச நட்சத்திரத்தையொட்டியும் மேற்கண்ட தபால் நிலையங்களில் 7.5 சத தள்ளுபடியில் தங்கக் காசுகள் விற்பனை செய்யப்படும்.

அட்சய திருதியை முன்னிட்டு வழங்கப்படும் இந்த சிறப்புத் தள்ளுபடி ஜூன் 30-ஆம் தேதி வரை மட்டுமே வழங்கப்படும் என்றார் அவர்.