ஐபிஎல் 6: ராஜஸ்தான் அணி 5 விக்கெட் வித்தியாசத்தில் வெற்றி

ஐபிஎல் சீஸன் 6 போட்டி எண் 61ல் இன்று ஜெய்ப்பூரில் நடைபெற்ற சென்னை - ராஜஸ்தான் அணிகளுக்கு இடையிலான போட்டியில் ராஜஸ்தான் அணி வெற்றி பெற்றது.

முதலில் ஆடிய சென்னை அணி 20 ஓவர்களில் 4 விக்கெட் இழப்புக்கு 141 ரன் எடுத்து, 142 ரன்கள் எடுத்தால் வெற்றி என்ற இலக்கை நிர்ணயித்தது.

இதை அடுத்து களம் இறங்கிய ராஜஸ்தான் அணி, 17.1 ஓவரில் 5 விக்கெட் இழப்புக்கு 144 ரன் எடுத்து 5 விக்கெட் வித்தியாசத்தில் வெற்றி பெற்றது.

துவக்கத்தில் சென்னை அணியின் பந்து வீச்சு அபாரமாக இருந்தது. வரிசையாக ரஹானே, பால்க்னர், சாம்சன் என 3 விக்கெட்கள் விழுந்த நிலையில், அணி திணறியது. ஆனால், வாட்ஸன் அதிரடி காட்டினார். திராவிட் 28  பந்துகளில் 22 ரன் எடுத்தபோதும், 34 பந்துகளில் 6 சிக்ஸர், 6 பவுண்டரிகள் அடித்து 70 ரன் எடுத்தார் வாட்ஸன். அவருக்கு இணையாக பின்னி 23 பந்துகளில் 41 ரன் எடுத்தார். அவர் 3 சிக்ஸர், 2 பவுண்டரிகள் அடித்தார். 17.1 ஓவர் இறுதியில் 5 விக்கெட் இழப்புக்கு 144 ரன் எடுத்து வெற்றி பெற்றது ராஜஸ்தான் அணி.