சேர்வலாறு, கொடுமுடியாறு அணைகள் நீர்மட்டம் உயர்வு

திருநெல்வேலி மாவட்டத்தில் நீர்பிடிப்பு பகுதியில் பெய்து வரும் மழையால் சேர்வலாறு, கொடுமுடியாறு, கடனாநதி அணைகளின் நீர்மட்டம் உயர்ந்துள்ளது.
 

திருநெல்வேலி மாவட்டத்தில் மேற்குத் தொடர்ச்சி மலையில் பருவ மழை பெய்து வருவதால் அணைகளுக்கு நீர்வரத்து அதிகரித்துள்ளது. செவ்வாய்க்கிழமை காலை நிலவரப்படி பதிவான மழை அளவு: பாபநாசம் அணையில் 35 மி.மீ, பாபநாசம் கீழ் அணையில் 25 மி.மீ, சேர்வலாறு அணையில் 24 மி.மீ, மணிமுத்தாறு அணையில் 12.4 மி.மீ, கடனாநதி அணையில் 12 மி.மீ, ராமநதி அணையில் 2 மி.மீ, கருப்பாநதி அணையில் 12 மி.மீ, குண்டாறு அணையில் 3 மி.மீ, அடவிநயினார் அணையில் 5 மி.மீ, வடக்குபச்சையாறு அணையில் 30.8 மி.மீ.

இது தவிர இம்மாவட்டத்தில் அம்பாசமுத்திரத்தில் 48.2 மி.மீ மழையும், சேரன்மகாதேவியில் 30 மி.மீ மழையும், ஆய்க்குடியில் 5.6 மி.மீ மழையும், நான்குனேரியில் 22 மி.மீ மழையும், பாளையங்கோட்டையில் 7.4 மி.மீ மழையும், சங்கரன்கோவிலில் 24 மி.மீ மழையும், செங்கோட்டையில் 9 மி.மீ மழையும், சிவகிரியி்ல் 5 மி.மீ மழையும், திருநெல்வேலியில் 3.4 மி.மீ மழையும், வீரகேரளம்புதூரில் 23 மி.மீ மழையும் பெய்துள்ளது.

நீர்பிடிப்பு பகுதியில் பெய்து வரும் மழையால் சேர்வலாறு அணையின் நீர்மட்டம் 2 அடி உயர்ந்து 107.52 அடியாகவும், கொடுமுடியாறு அணையின் நீர்மட்டம் 3 அடி உயர்ந்து 20.00 அடியாகவும் இருந்தது. பாபநாசம் அணையின் நீர்மட்டம் 93.80 அடியாகவும், மணிமுத்தாறு அணையின் நீர்மட்டம் 68.30 அடியாகவும், கடனாநதி அணையின் நீர்மட்டம் 1 அடி உயர்ந்து 59.30 அடியாகவும், ராமநதி அணையின் நீர்மட்டம் 59.75 அடியாகவும் இருந்தது.

அடவிநயினார் அணையின் நீர்மட்டம் 109.00 அடியாகவும், கருப்பாநதி அணையின் நீர்மட்டம் 47.90 அடியாகவும், வடக்குபச்சையாறு அணையின் நீர்மட்டம் 9.00 அடியாகவும் இருந்தது. மணிமுத்தாறு அணையில் இருந்து பெருங்கால் பாசனத்திற்கு 35 கனஅடியும், பாபநாசம் அணையில் இருந்து 601 கனஅடியும், கடனாநதி அணையில் இருந்து 45 கனஅடியும், ராமநதி அணையில் இருந்து 30 கனஅடியும் தண்ணீர் திறக்கப்பட்டுள்ளது.

பாபநாசம் அணைக்கு விநாடிக்கு 1040.93 கனஅடியும், மணிமுத்தாறு அணைக்கு விநாடிக்கு 235 கனஅடியும், கடனாநதி அணைக்கு விநாடிக்கு 105.58 கனஅடியும், ராமநதி அணைக்கு விநாடிக்கு 30 கனஅடியும், கருப்பாநதி அணைக்கு விநாடிக்கு 38 கனஅடியும், அடவிநயினார் அணைக்கு விநாடிக்கு 58 கனஅடியும், கொடுமுடியாறு அணைக்கு விநாடிக்கு 50 கனஅடியும் நீர்வரத்து இருந்தது.