நீர்பிடிப்பு பகுதியில் மழை: சேர்வலாறு அணை நீர்மட்டம் 2 அடி உயர்வு

மேற்குத் தொடர்ச்சி மலையில் நீர்ப்பிடிப்புப் பகுதியில் பெய்த மழையால் சேர்வலாறு அணையின் நீர்மட்டம் 2 அடி உயர்ந்து இன்று 62.14 அடியாக உள்ளது.

மேற்குத் தொடர்ச்சி மலையில் நீர்ப்பிடிப்புப் பகுதியில் கடந்த 2 நாட்களாக மிதமான மழை பெய்து வருகிறது. இன்று காலை நிலவரப்படி பாபநாசம் அணையில் 25 மி.மீ, பாபநாசம் கீழ் அணையில் 14 மி.மீ, சேர்வலாறு அணையில் 10 மி.மீ, மணிமுத்தாறு அணையில் 6 மி.மீ, கடனாநதி அணையில் 1 மி.மீ, ராமநதி அணையில் 3 மி.மீ, கருப்பாநதி அணையில் 4 மி.மீ, அடவிநயினார் அணையில் 4 மீ.மீ, கன்னடியன் அணைக்கட்டுப் பகுதியில் 3 மீ.மீ, நான்குனேரியில் 4 மி.மீ, தென்காசியில் 5.2 மி.மீ, செங்கோட்டையில் 2 மி.மீ, ஆலங்குளத்தில் 5.2 மி.மீ, பாளையங்கோட்டையில் 1 மி.மீ, அம்பாசமுத்திரத்தில் 3 மி.மீ, சேரன்மகாதேவியில் 1 மி.மீ மழை பதிவாகியுள்ளன.
அணைகளின் நீர்ப்பிடிப்புப் பகுதியில் பெய்த மழையால், பாபநாசம், சேர்வலாறு அணைகளின் நீர்வரத்தில் மாற்றம் ஏற்பட்டுள்ளது. பாபநாசம் அணைக்கு விநாடிக்கு 238.54 கனஅடி, சேர்வலாறு அணைக்கு விநாடிக்கு 500 கனஅடி, மணிமுத்தாறு அணைக்கு விநாடிக்கு 21 கனஅடி, கடனாநதி அணைக்கு 12 கனஅடியும் நீர்வரத்து இருந்தது.
சேர்வலாறு அணை நீர்மட்டம் 2 அடி உயர்ந்து 62.14 அடியாக இருந்தது. பாபநாசம் அணை நீர்மட்டம் 24.15 அடி, மணிமுத்தாறு அணை நீர்மட்டம் 36.33 அடி, கடனாநதி அணை நீர்மட்டம் 49.10 அடி, ராமநதி அணை நீர்மட்டம் 40.75 அடி, கருப்பாநதி அணையின் நீர்மட்டம் 47.51 அடி, குண்டாறு அணையின் நீர்மட்டம் 22.75 அடி, அடவிநயினார் அணையின் நீர்மட்டம் 71.50 அடி, வடக்குப் பச்சையாறு அணை நீர்மட்டம் 3.25 அடி, நம்பியாறு அணையின் நீர்மட்டம் 9.80 அடி, கொடுமுடியாறு அணையின் நீர்மட்டம் 8.00 அடியாகவும் இருந்தது.
குடிநீர் தேவைக்காக பாபநாசம் அணையில் இருந்து 204.75 கனஅடி தண்ணீர் தாமிரவருணி ஆற்றில் திறந்து விடப்பட்டுள்ளது.