மோடியின் தாடியில் மட்டுமே வளர்ச்சி: மம்தா

மோடியின் தாடி மட்டுமே வளர்ச்சி அடைந்து வருவதாக மேற்குவங்க முதல்வர் மம்தா பானர்ஜி வெள்ளிக்கிழமை விமர்சித்துள்ளார்.

மேற்கு வங்க சட்டப்பேரவைத் தேர்தல் நாளைமுதல் 8 கட்டங்களாக நடைபெறவுள்ளது. இதற்கான பிரசாரத்தில் அனைத்துக் கட்சிகளை சேர்ந்த தலைவர்களும் ஈடுபட்டு வருகின்றனர்.

இந்நிலையில், இன்று பிரசாரத்தின் போது மம்தா பேசுகையில்,

நாட்டில் தொழில்துறையில் வளர்ச்சி நின்றுவிட்டது. பிரதமரின் தாடி மட்டுமே வளர்ந்து வருகிறது. சில நேரங்களில் அவர் தன்னைதானே சுவாமி விவேகானந்தா என்று கூறிக் கொள்கிறார். சில நேரங்களில் தனது பெயரை அரங்குகளுக்கு மறுபெயரிடுகிறார்.

அவரது மூளையில் ஏதோ பிரச்னை உள்ளது எனத் தெரிவித்துள்ளார்.