கோவிஷீல்ட் தடுப்பூசி விலை ரூ.100 குறைப்பு

கரோனா தொற்று தடுப்பு மருந்தான கோவிஷீல்ட் தடுப்பூசியின் விலை ரூ.100 குறைக்கப்பட்டுள்ளது. இதன்மூலம் இனி கோவிஷீல்டு தடுப்பூசி ரூ.300-க்கு விற்பனை செய்யப்படவுள்ளது.

மாநிலங்களுக்கு வழங்கப்படும் கோவிஷீல்ட் தடுப்பூசி ரூ.400-க்கு விற்பனை செய்யப்பட்டு வந்த நிலையில், தற்போது விலை குறைக்கப்பட்டுள்ளது.

கோவிஷீல்ட் தடுப்பூசி விலை உயர்வுக்கு பல்வேறு மாநிலங்கள் அதிருப்தி தெரிவித்த நிலையில், தற்போது விலை குறைக்கப்பட்டுள்ளது.

கோவிஷீல்ட் தடுப்பூசியின் விலை குறைப்பு உடனடியாக அமலுக்கு வரும் என்று சீரம் நிறுவனம் அறிவித்துள்ளது. இதனை சீரம் நிறுவனத்தின் தலைமை செயல் அதிகாரி தமது சுட்டுரைப் பக்கத்தில் உறுதிப்படுத்தியுள்ளார்.