மீண்டும் இணையும் செல்வராகவன் - ஜிவி பிரகாஷ் கூட்டணி!

செல்வராகவன் இயக்கும் புதிய படத்துக்கு ஜிவி பிரகாஷ் குமார் இசையமைக்கவுள்ளார்.

துள்ளுவதோ இளமை படத்தின் மூலம் இயக்குநராக அறிமுகமானவர் செல்வராகவன். இவர் காதல் கொண்டேன், மயக்கம் என்ன, புதுப்பேட்டை, ஆயிரத்தில் ஒருவன் போன்ற திரைப்படங்களை இயக்கியவர். இவரது இயக்கத்தில் கடைசியாக நானே வருவேன் படம் வெளியானது.

படம் இயக்குவது மட்டுமில்லாமல் நடித்தும் வருகிறார் செல்வராகவன். பீஸ்ட், நானே வருவேன், மார்க் ஆண்டனி, ராயன் உள்ளிட்ட படங்களில் இவர் நடித்துள்ளார்.

நடிகர் கார்த்தியின் அடுத்த பட அறிவிப்பு!

செல்வராகவன் இயக்கும் புதிய படத்துக்கு இசையமைப்பாளர் ஜிவி பிரகாஷ் குமார் இசையமைக்கிறார். முன்னதாக, இவர்கள் கூட்டணியில் மயக்கம் என்ன, ஆயிரத்தில் ஒருவன் ஆகிய படங்கள் வெளியானது.

இந்த நிலையில், செல்வராகவன் படத்துக்கு இசையமைக்கவுள்ளதாக ஜிவி பிரகாஷ் குமார் அதிகாரப்பூர்வமாக சமூக ஊடகங்களில் தெரிவித்துள்ளார். ஆனால் இது எந்தப்படம் என்ற தகவல் வெளியாகவில்லை.