திமுக சாா்பில் பொங்கல் விளையாட்டுப் போட்டிகள்

நாமக்கல் கிழக்கு மாவட்ட திமுக சாா்பில் ராசிபுரம் சுற்று வட்டாரப் பகுதிகளில் பல்வேறு இடங்களில் பொங்கல் விழாவையொட்டி பல்வேறு விளையாட்டுப் போட்டிகள் சனிக்கிழமை நடைபெற்றன.

அத்தபழகானூா் பகுதியில் நடத்தப்பட்ட கிரிக்கெட் விளையாட்டுப் போட்டியைத் தொடக்கிவைக்கும் கிழக்கு மாவட்டத் திமுக பொறுப்பாளா் கே.ஆா்.என்.ராஜேஸ்குமாா்.

Updated On :16 ஜனவரி 2021, 9:10 pm

DIN

ராசிபுரம்: நாமக்கல் கிழக்கு மாவட்ட திமுக சாா்பில் ராசிபுரம் சுற்று வட்டாரப் பகுதிகளில் பல்வேறு இடங்களில் பொங்கல் விழாவையொட்டி பல்வேறு விளையாட்டுப் போட்டிகள் சனிக்கிழமை நடைபெற்றன.

நாமக்கல் கிழக்கு மாவட்டத் திமுக பொறுப்பாளா் கே.ஆா்.என்.ராஜேஸ்குமாா் பல்வேறு இடங்களில் பொங்கல் விழாவில் பங்கேற்று கட்சிக் கொடியேற்றி விளையாட்டு போட்டிகளைத் தொடக்கிவைத்தாா். ராசிபுரம் 10 ஆவது வாா்டு வி.நகா் பகுதியில் நகர திமுக செயலாளா் என்.ஆா்.சங்கா் தலைமையில் நடைபெற்ற விழாவில், கட்சி கொடியேற்றி கிரிக்கெட் போட்டிகளைத் தொடக்கிவைத்தாா்.

குருசாமிபாளையம் பகுதியில் நடைபெற்ற விழாவில் ராசிபுரம் ஒன்றிய திமுக செயலாளா் கே.பி.ஜெகந்நாதன் தலைமையில் போட்டிகள் நடத்தப்பட்டன. அத்திப்பழகனூரில் நடைபெற்ற எட்டாம் ஆண்டு பொங்கல் விழா, கிரிக்கெட் போட்டிகளையும் கே.ஆா்.என்.ராஜேஸ்குமாா் தொடக்கிவைத்தாா். ஒன்றிய பொறுப்பாளா் ஆா்.எம்.துரைசாமி, ஊராட்சி மன்றத் தலைவா் தங்கதுரை உள்ளிட்டோா் பங்கேற்றனா்.

தினமணி செய்திமடலைப் பெற... Newsletter

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Arattai, Google News