தில்லியில் குறைந்தபட்ச வெப்பநிலை 10.8 டிகிரி செல்சியஸாக பதிவு

தில்லியில் குறைந்தபட்ச வெப்பநிலை சராசரியைவிட உயா்ந்து சனிக்கிழமை 10.8 டிகிரி செல்சியஸாக பதிவானதாக இந்திய வானிலை ஆய்வு மையம் தெரிவித்துள்ளது.

மேற்கத்திய இடையூறுகள் காரணமாக கருமேகங்கள் திரண்டதால் கடந்த ஜனவரி 3-ஆம் தேதியிலிருந்தே குறைந்தபட்ச வெப்பநிலை சராசரியைவிட உயா்ந்து காணப்பட்டது.

சப்தா்ஜங் வானிலை ஆய்வு மையத் தகவல்களின்படி தில்லியில் குறைந்தபட்ச வெப்பநிலை வெள்ளிக்கிழமை 9.6 டிகிரி செல்சியஸாக பதிவாகியிருந்தது. இதுவே வியாழக்கிழமை 14.4 டிகிரி செல்சியஸாக இருந்தது. இது கடந்த நான்கு ஆண்டுகளில் ஜனவரியில் இருந்த அளவைவிட அதிகமானதாகும்.

எனினும் பனிபடா்ந்த மலைப் பகுதியிலிருந்து வடமேற்கு பகுதியில் குளிா்ந்த காற்று வீசத் தொடங்கியுள்ளதால் அடுத்த சில தினங்களுக்கு குறைந்தபட்ச வெப்பநிலை 2 அல்லது 3 டிகிரி செல்சியஸாகக் குறையும் என்று இந்திய வானிலை ஆய்வு மையம் தெரிவித்துள்ளது.