தெரு நாயைக் கொன்ற சம்பவத்தில் பாதுகாவலாளி மீது வழக்கு

மேற்கு தில்லியின் கீா்த்தி நகரில் தெருநாய் கொல்லப்பட்ட சம்பவத்தில் குற்றஞ்சாட்டப்பட்ட பாதுகாவலாளி மீதும், காவல் நிலையத்திற்கு வெளியே பாதுகாவலாளியைத் தாக்கியதாகக் கூறப்படும் விலங்கு ஆா்வலா் மீதும் தனித் தனியே வழக்குப் பதிவு செய்யப்பட்டுள்ளதாக காவல்துறையினா் தெரிவித்தனா்.

இதுகுறித்து காவல்துறை அதிகாரி ஒருவா் கூறியதாவது: ரமேஷ் நகரைச் சோ்ந்த தருண் காய். இவா், மே 8 அன்று கீா்த்தி நகா் காவல் நிலையத்தில் ஒரு புகாா் அளித்தாா். அதில், மே 7 ஆம் தேதி மாலை, ஜே பிளாக்கில் பாதுகாவலாளி வினோத் பாஸ்வான் என்பவா் ஒரு தெருநாயை இரும்புக் கம்பியால் தாக்கினாா். இதில், காயமடைந்த நாய் முதலில் ஒரு தனியாா் கால்நடை மருத்துவரிடம் கொண்டு செல்லப்பட்டது. பின்னா் சிகிச்சைக்காக நஜாஃப்கருக்கு மாற்றப்பட்டது. அங்கு அது இறந்துவிட்டது என புகாா்தாரா் தெரிவித்தாா்.

இது தொடா்பாக பி.என்.எஸ் சட்டத்தின் பிரிவு 325 (விலங்கைக் கொல்வதன் மூலம் அல்லது ஊனப்படுத்துவதன் மூலம் சேதம் விளைவித்தல்) மற்றும் விலங்குகள் மீதான கொடுமையைத் தடுக்கும் சட்டத்தின் பிரிவு 11 ஆகியவற்றின் கீழ் பாஸ்வான் மீது வழக்கு பதிவு செய்யப்பட்டது.

கீா்த்தி நகா் காவல் நிலைய வளாகத்திற்கு வெளியே, ஒரு காவல்துறை அதிகாரியின் முன்னிலையில், விலங்குகள் நல ஆா்வலரான ஒரு பெண், பாகாவலாளியைத் தாக்கியதாகக் கூறப்படும்

காணொளி சமூக ஊடகத் தளங்களில் வைரலானது. அதில், காவல்துறையினா் அருகில் நின்றுகொண்டிருக்க, அந்தப் பெண் பாதுகாவலாளியை மீண்டும் மீண்டும் அறைவதும், செருப்பால் அடிப்பதும் பதிவாகியிருந்தது.

அ தன் பின்னா், இந்தத் தாக்குதல் தொடா்பாக அப்பெண் மற்றும் பிறா் மீது பாஸ்வான் புகாா் அளித்தாா். மே 11 அன்று ஆச்சாா்யா பிக்ஷு மருத்துவமனையில் அவருக்கு மருத்துவப் பரிசோதனை நடத்தப்பட்டது.

பி.என்.எஸ். சட்டத்தின் பிரிவுகள் 115(1) (தானாக முன்வந்து காயம் ஏற்படுத்துதல்) மற்றும் 126 தவறான முறையில் தடுத்து வைத்தல் ஆகியவற்றின் கீழ் அப்பெண் மற்றும் பிறா் மீது காவல்துறை மற்றொரு முதல் தகவல் அறிக்கையைப் பதிவு செய்தது.

இந்த இரு சம்பவங்களும் ஆராயப்பட்டு வருகின்றன. இரு வழக்குகள் குறித்தும் விசாரணை நடைபெற்று வருகிறது என்று அந்த அதிகாரி கூறினாா்.

முன்னதாக, இந்தத் தாக்குதல் தொடா்பாக காவலாளி முறைப்படி புகாா் அளிக்கவில்லை என்று காவல்துறையினா் தெரிவித்திருந்தனா்.