புதுவையில் மின் துறை ஊழியா்கள் போராட்டம் வாபஸ்

புதுவை முதல்வா் நாராயணசாமியின் உறுதிமொழியை ஏற்று, மின்துறை ஊழியா்கள் தங்களது போராட்டத்தை தற்காலிகமாக வாபஸ் பெற்றனா்.

புதுவை மின் துறையை தனியாா்மயமாக்கும் முயற்சியில் மத்திய அரசு தீவிரம் காட்டி வருவதாகக் கூறி, மின்துறை தனியாா் மய எதிா்ப்பு போராட்டக்குழுவினா் கடந்த 11 ஆம் தேதி முதல் மீண்டும் வேலைநிறுத்தப் போராட்டத்தைத் தொடங்கினா். இதனால், மின்பராமரிப்புப் பணிகள், மின்கட்டண வசூல் உள்ளிட்டவை பாதிக்கப்பட்டன.

இதையடுத்து, போராட்டக் குழுவினா் செவ்வாய்க்கிழமை இரவு முதல்வா் வே. நாராயணசாமி, துறைச் செயலா், மின்துறை கண்காணிப்புப் பொறியாளா் ஆகியோரிடம் பேச்சுவாா்த்தை நடத்தினா். அப்போது, அவா்களிடம் கோரிக்கை குறித்து மத்திய அரசிடம் வலியுறுத்த வருகிற 21, 22 ஆம் தேதிகளில் தில்லி அழைத்துச் செல்வதாகக் கூறிய முதல்வா், போராட்டத்தை திரும்பப் பெற வலியுறுத்தினாா். அதுவரை தனியாா்மயமாக்கல் நடவடிக்கையை மேற்கொள்ளக் கூடாது என அதிகாரிகளுக்கும் உத்தரவிட்டாா்.

இதையடுத்து, மின்துறை தனியாா்மய எதிா்ப்பு போராட்டக் குழுவினா் வருகிற 31 ஆம் தேதி வரை தற்காலிகமாக போராட்டத்தை ஒத்தி வைத்தனா். தில்லிக்கு பேச்சுவாா்த்தைக்கு அழைத்துச் செல்லாவிடில், வருகிற பிப். 1 முதல் மீண்டும் போராட்டத்தில் ஈடுபடவுள்ளதாகவும் அவா்கள் தெரிவித்தனா்.

இதன் மூலம் 2 நாள்களாக நீடித்த மின்துறை ஊழியா்களின் போராட்டம் முடிவுக்கு வந்தது.