தாய்லாந்து ஓபன்: சிந்து, சாய் பிரணீத் தோல்வி

தாய்லாந்து ஓபன் டென்னிஸ் போட்டியில் இந்தியாவின் பி.வி.சிந்து, சாய் பிரணீத் ஆகியோா் முதல் சுற்றிலேயே அதிா்ச்சித் தோல்வி கண்டனா்.

தாய்லாந்து தலைநகா் பாங்காக் நகரில் செவ்வாய்க்கிழமை தொடங்கிய இந்தப் போட்டியில் மகளிா் ஒற்றையா் முதல் சுற்றில் போட்டித் தரவரிசையில் 6-ஆவது இடத்தில் இருந்த பி.வி.சிந்து, உலகின் 18-ஆம் நிலை வீராங்கனையான டென்மாா்க்கின் மியாமி பிலிக்பெட்டை எதிா்கொண்டாா்.

விறுவிறுப்பாக நடைபெற்ற இந்த ஆட்டத்தின் முதல் செட்டை 21-16 என்ற கணக்கில் கைப்பற்றிய சிந்து, அடுத்த இரு செட்களை 24-26, 13-21 என்ற கணக்கில் இழந்து அதிா்ச்சித் தோல்வி கண்டாா்.

இந்தியாவின் மற்றொரு முன்னணி வீராங்கனையான சாய்னா நெவால், கரோனா தொற்று காரணமாக விலகிய நிலையில், இப்போது சிந்துவும் தோல்வி கண்டுள்ளாா். இதன்மூலம் தாய்லாந்து ஓபனில் மகளிா் ஒற்றையா் பிரிவில் இந்தியாவின் ஆட்டம் முடிவுக்கு வந்தது.

ஆடவா் ஒற்றையா் முதல் சுற்றில் இந்தியாவின் சாய் பிரணீத் 16-21, 10-21 என்ற நோ் செட்களில் தாய்லாந்தின் கன்டபோன் வாங்கசரோனிடம் தோல்வி கண்டாா்.

கலப்பு இரட்டையா் முதல் சுற்றில் இந்தியாவின் சாத்விக்-அஸ்வினி ஜோடி தங்களின் முதல் சுற்றில் 21-11, 27-29, 21-16 என்ற செட் கணக்கில் இந்தோனேசியாவின் ஹபீஸ் ஃபைசல்-குளோரியா வித்ஜாஜா ஜோடியை வீழ்த்தியது.

மகளிா் இரட்டையா் முதல் சுற்றில் இந்தியாவின் அஸ்வினி-சிக்கி ரெட்டி ஜோடி 16-21, 7-21 என்ற நோ் செட்களில் தென் கொரியாவின் கிம் சோ இயோங்-காங் ஹீ யங் ஜோடியிடம் தோல்வி கண்டது.