மருத்துவரை மணந்தார் கோல் கீப்பர் ஸ்ரீஜேஷ்

இந்திய ஹாக்கி அணியின் கோல் கீப்பரான ஸ்ரீஜேஷுக்கும், முன்னாள் நீளம் தாண்டுதல் வீராங்கனையும், ஆயுர்வேத மருத்துவருமான அலிஷாவுக்கு ஞாயிற்றுக்கிழமை திருமணம் நடைபெற்றது.

கேரள மாநிலம் கொச்சியை அடுத்த கீழகம்பளம் அருகேயுள்ள மகா விஷ்ணு கோயிலில் இவர்கள் திருமணம் எளிய முறையில் நடைபெற்றது. நெருங்கிய உறவினர்களும், நண்பர்களும் மட்டுமே இதில் கலந்துகொண்டனர்.

சென்னையில் உள்ள இந்தியன் ஓவர்சீஸ் வங்கியில் பணிபுரிந்து வரும் ஸ்ரீஜேஷ், உலக லீக் 3 சாம்பியன்ஷிப் போட்டியை முன்னிட்டு பெங்களூரில் நடைபெறவுள்ள பயிற்சி முகாமில் பங்கேற்பதற்காக இம்மாத இறுதியில் பெங்களூர் செல்லவுள்ளதாக தெரிவித்தார்.