ஆப்கானிஸ்தானுக்கு எதிரான உலகக் கோப்பை ஆட்டம்: வங்கதேசம் முதலில் பேட்டிங்!

வங்கதேசம் - ஆப்கானிஸ்தான் அணிகளுக்கு இடையிலான உலகக் கோப்பை ஆட்டம் செளதாம்ப்டனில் இன்று நடைபெற்று வருகிறது.

டாஸ் வென்ற ஆப்கானிஸ்தான் அணி பந்துவீச்சைத் தேர்வு செய்துள்ளது.

புள்ளிகள் பட்டியலில் 6 ஆட்டங்களில் விளையாடி 5 புள்ளிகளுடன் வங்கதேச அணி 6-ம் இடத்திலும் ஆப்கானிஸ்தான் அணி 6 ஆட்டங்களில் விளையாடி ஆறிலும் தோற்று ஒரு புள்ளியும் பெறாமல் கடைசி இடத்திலும் உள்ளன. இதனால் இந்த ஆட்டத்தில் வங்கதேச அணி வெற்றி பெறும் என்கிற எதிர்பார்ப்பு நிலவுகிறது.