செய்தி மடல்
இ-பேப்பர்
ஆஸி. தொடர் நிறைவடைந்து இவர் சிறந்த வீரராக தாயகம் திரும்புவார்: ரவி சாஸ்திரி
பார்டர் - கவாஸ்கர் டெஸ்ட் தொடர் நிறைவடைந்து இந்தியாவுக்கு திரும்புகையில் இவர் சிறந்த பேட்ஸ்மேனாக திரும்புவார் என இளம் வீரருக்கு பாராட்டு.
ரவி சாஸ்திரி - கோப்புப் படம்
பார்டர் - கவாஸ்கர் டெஸ்ட் தொடர் நிறைவடைந்து இந்தியாவுக்கு திரும்புகையில் இவர் சிறந்த பேட்ஸ்மேனாக திரும்புவார் என இந்திய அணியின் இளம் வீரர்களில் ஒருவரான யஷஸ்வி ஜெய்ஸ்வாலை இந்திய அணியின் முன்னாள் தலைமைப் பயிற்சியாளர் ரவி சாஸ்திரி பாராட்டியுள்ளார்.
பார்டர் - கவாஸ்கர் டெஸ்ட் தொடரில் விளையாடுவதற்காக இந்திய அணி ஆஸ்திரேலியாவுக்கு சுற்றுப்பயணம் மேற்கொண்டுள்ளது. இரு அணிகளுக்கும் இடையிலான முதல் டெஸ்ட் போட்டி வருகிற நவம்பர் 22 ஆம் தேதி பெர்த்தில் தொடங்குகிறது.
கடந்த இரண்டு முறை ஆஸ்திரேலியாவுக்கு சுற்றுப்பயணம் மேற்கொண்டபோது, இந்திய அணி ஆஸ்திரேலியாவை வீழ்த்தி பார்டர் - கவாஸ்கர் தொடரை வென்றது. மூன்றாவது முறையாக தொடர்ச்சியாக தொடரை வெல்ல வேண்டும் என்ற முனைப்பில் இந்திய அணி உள்ளது.
உலகத் தரத்திலான வீரர்
முதல் டெஸ்ட் போட்டி பெர்த்தில் தொடங்கவுள்ள நிலையில், இந்திய அணியின் இளம் வீரர்களில் ஒருவரான யஷஸ்வி ஜெய்ஸ்வால் உலகத் தரத்திலான வீரர் எனவும், ஆஸ்திரேலியாவுக்கு எதிரான தொடர் நிறைவடைந்து இந்தியா திரும்புகையில் அவர் மேலும் சிறப்பான பேட்ஸ்மேனாக மாறியிருப்பார் எனவும் ரவி சாஸ்திரி தெரிவித்துள்ளார்.
யஷஸ்வி ஜெய்ஸ்வால் (கோப்புப் படம்)
இது தொடர்பாக அவர் பேசியதாவது: பார்டர் - கவாஸ்கர் தொடர் நிறைவடைந்து தாயகம் திரும்புகையில், ஜெய்ஸ்வால் மேலும் சிறப்பான பேட்ஸ்மேனாக மாறியிருப்பார் என நினைக்கிறேன். அவர் ஏற்கனவே உலகத் தரத்திலான வீரர். அவர் இங்கிலாந்துக்கு எதிரான டெஸ்ட் தொடரில் எப்படி விளையாடினார் என்பதை பார்த்திருப்பீர்கள். எவ்வளவு திறமையான வீரராக இருந்தாலும் பெர்த் ஆடுகளங்களில் சிறப்பாக விளையாடுவது அவ்வளவு எளிதல்ல. அங்கு பௌன்சர்கள் அதிகம் இருக்கும். அதற்கேற்றவாறு வீரர்கள் தங்களது ஷாட் தேர்வுகளை கவனத்துடன் மேற்கொள்ள வேண்டும்.
பெர்த் ஆடுகளத்துக்கு ஏற்றவாறு தனது ஆட்டத்தை மாற்றிக் கொண்டால், அந்த ஆடுகளத்தில் சிறப்பாக விளையாடுவதை ஜெய்ஸ்வால் விரும்புவார். பேட்டிங்கில் மட்டுமின்றி ஃபீல்டிங்கிலும் ஜெய்ஸ்வால் ஆர்வமாக இருக்கிறார். அவர் ஸ்லிப் பகுதியில் அருமையாக ஃபீல்டிங் செய்கிறார் என்றார்.
தினமணி செய்திமடலைப் பெற... Newsletter
தினமணி'யை வாட்ஸ்ஆப் சேனலில் பின்தொடர... WhatsApp
தினமணியைத் தொடர: Facebook, Twitter, Instagram, Youtube, Telegram, Threads, Arattai, Google News
உடனுக்குடன் செய்திகளை அறிய தினமணி App பதிவிறக்கம் செய்யவும்.
பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.