ஸ்டார்க்கிடம் வம்பிழுத்த இந்திய வீரர் ஜெய்ஸ்வால்..! வைரலாகும் விடியோ!

இந்தியா ஆஸிக்கு இடையேயான முதல் டெஸ்ட் பெர்த்தில் நேற்று (நவ.22) தொடங்கியது.

முதல் இன்னிங்ஸில் இந்திய அணி 150க்கு ஆல் அவுட்டானது. இதனைத் தொடர்ந்து விளையாடிய ஆஸி. 104 ரன்களுக்கு ஆல் அவுட்டானது.

தற்போது, இந்திய அணி 2ஆவது இன்னிங்ஸில் விக்கெட் இழப்பின்றி 132 ரன்கள் எடுத்து சிறப்பாக விளையாடி வருகிறது.

ஸ்டார்க் பேட்டிங் செய்யும்போது இந்திய பந்துவீச்சாளர் ஹர்சித் ராணாவிடம், ”உன்னைவிட என்னால் வேகமாக பந்துவீச முடியும். நினைவாற்றலும் அதிகம்” என்றார். இருவரும் கேகேஆர் அணியில் விளையாடியுள்ளார்கள்.

தற்போது ஜெய்ஸ்வால் மிட்செல் ஸ்டார்க் ஓவரில் அதிரடியாக விளையாடியது மட்டுமல்லாமல் 142 கி.மீ/மணி வேகத்தில் வீசிய ஸ்டார்க்கிடம், “உங்களது பந்து மிக மெதுவாக வருகிறது” எனக் கூறியுள்ளார்.

இந்த விடியோ இணையத்தில் வைரலாகி வருகிறது.