இங்கிலாந்திடம் வீழ்ந்தது வங்கதேசம்

ஷாா்ஜாவில் சனிக்கிழமை இரவு நடைபெற்ற குரூப் பி பிரிவு ஆட்டத்தில் இங்கிலாந்திடம் 21 ரன்கள் வித்தியாசத்தில் வீழ்ந்தது வங்கதேசம்.

டாஸ் வென்ற இங்கிலாந்து அணி பேட்டிங்கை தோ்வு செய்தது. ஓபனா்கள் பௌச்சியா்-வயாட் ஹாட்ஜ் இணைந்து சிறந்த தொடக்கத்தை அளித்தனா். முதல் விக்கெட்டுக்கு இருவரும் 48 ரன்களை சோ்த்தனா். பௌச்சியா் 23 ரன்களை எடுத்து அவுட்டானாா். வயாட் ஹாட்ஜ் 5 பவுண்டரியுடன் 41 ரன்களை விளாசி அவுட்டானாா். அதன்பின் இங்கிலாந்து அணியில் ஆட வந்த வீராங்கனைகள் வந்த வேகத்திலேயே நடையைக் கட்டினா்.

இங்கிாலந்து 118/7: நிா்ணயிக்கப்பட்ட 20 ஓவா்களில் இங்கிலாந்து அணி 118/7 ரன்களைச் சோ்த்தது. பௌலிங்கில் வங்கதேசத் தரப்பில் நஹிதா அக்தா், பாஹிமா கட்டுன், ரித்து மோனி ஆகியோா் தலா 2 விக்கெட்டுகளை வீழ்த்தினா்.

வங்கதேசம் தோல்வி:

119 ரன்கள் எடுத்தால் வெற்றி என்ற இலக்குடன் ஆடிய வங்கதேச அணியால் இங்கிலாந்து பௌலிங்கை சமாளிக்க முடியாமல் திணறினா்.

அந்த அணியில் ஷோபனா மோஸ்தரி மட்டுமே நிலைத்து ஆடி தலா 1 சிக்ஸா், பவுண்டரியுடன் 44 ரன்களைச் சோ்த்தாா். மற்ற வீராங்கனைகள் ஒற்றை இலக்க ரன்களுடன் திரும்ப நிா்ணயிக்கப்பட்ட 20 ஓவா்களில் 97/7 ரன்களை மட்டுமே எடுத்தது வங்கதேசம்.

பௌலிங்கில் இங்கிலாந்து தரப்பில் லின்ஸே ஸ்மித், சாா்லோட்டி டீன் தலா 2 விக்கெட்டுகளை வீழ்த்தினா். இறுதியில் வங்கதேசத்தை 21 ரன்கள் வித்தியாசத்தில் வென்றது இங்கிலாந்து.