சென்னை டெஸ்ட்: இந்தியாவுக்கு எதிராக வங்கதேசம் பந்துவீச்சு!

இந்தியாவுக்கு எதிராக முதல் டெஸ்ட் போட்டியில் டாஸ் வென்ற வங்கதேச அணியினர் பந்துவீச்சை தேர்வு செய்துள்ளனர்.

இந்தியாவுக்கு பயணம் மேற்கொண்டுள்ள வங்கதேச அணியினர், 2 டெஸ்ட் ஆட்டங்கள், 3 டி20 ஆட்டங்கள் கொண்ட தொடரில் விளையாடுகின்றனர்.

இந்த நிலையில், சென்னையில் இன்று நடைபெறும் முதல் டெஸ்ட் போட்டிக்கான டாஸை வென்ற வங்கதேச கேப்டன் நஜ்முல் ஹொசைன் சாண்டோ பந்துவீச்சை தேர்வு செய்துள்ளார்.

இந்திய அணி

ரோஹித் சர்மா (கேப்டன்), யஷஸ்வி ஜெய்ஸ்வால், ஷுப்மன் கில், விராட் கோலி, கே.எல். ராகுல், ரிஷப் பந்த் (கீப்பர்), ரவீந்திர ஜடேஜா, ரவிச்சந்திரன் அஷ்வின், ஜஸ்பிரித் பும்ரா, ஆகாஷ் தீப், முகமது சிராஜ் உள்ளிட்டோர் அணியில் இடம்பெற்றுள்ளனர்.

வங்கதேச அணி

ஷத்மன் இஸ்லாம், ஜாகிர் ஹசன், நஜ்முல் ஹொசைன் சாண்டோ(கேப்டன்), மொமினுல் ஹக், முஷ்ஃபிகா் ரஹிம், ஷகிப் அல் ஹசன், லிட்டன் தாஸ்(கீப்பர்), மெஹிதி ஹசன் மிராஸ், தஸ்கின் அகமது, ஹசன் மஹ்மூத், நஹித் ராணா உள்ளிட்டோர் அணியில் இடம்பெற்றுள்ளனர்.

சவாலான போட்டி

வங்கதேசம், பாகிஸ்தானுடனான டெஸ்ட் தொடரை 2-0 என முழுமையாகக் கைப்பற்றிய நிலையில் இந்தத் தொடருக்கு வந்துள்ளது.

அதேபோல், கடந்த 10 ஆண்டுகளில் சொந்த மண்ணில் விளையாடிய 44 டெஸ்ட்டுகளில், 40 ஆட்டங்களில் வென்று இந்தியா ஆதிக்கம் செலுத்துவதால் இரு அணிகளுக்கும் கடும் சவாலாக இருக்கும்.