நாளுக்கு நாள் தலைமைப் பண்பில் முன்னேற்றமடையும் பாட் கம்மின்ஸ்; முன்னாள் ஆஸி. வீரர் பாராட்டு!

பாட் கம்மின்ஸின் தலைமைப் பண்பு நாளுக்கு நாள் முன்னேற்றமடைந்து வருவதாக ஆஸ்திரேலிய அணியின் முன்னாள் வீரர் ஆரோன் ஃபின்ச் தெரிவித்துள்ளார்.

உலக டெஸ்ட் சாம்பியன்ஷிப் இறுதிப்போட்டியில் ஆஸ்திரேலியா மற்றும் தென்னாப்பிரிக்க அணிகள் விளையாடவுள்ளன. இரு அணிகளுக்கும் இடையிலான இந்தப் போட்டி வருகிற ஜூன் 11 ஆம் தேதி லார்ட்ஸ் திடலில் தொடங்குகிறது.

இதையும் படிக்க: 3 மாதங்களாக பேட்டை தொடாத ஸ்டீவ் ஸ்மித்..! சுவாரசியமான விளக்கம்!

பாட் கம்மின்ஸுக்கு பாராட்டு

உலக டெஸ்ட் சாம்பியன்ஷிப் இறுதிப்போட்டியில் ஆஸ்திரேலிய அணி விளையாடவுள்ள நிலையில், பாட் கம்மின்ஸின் தலைமைப் பண்பு நாளுக்கு நாள் முன்னேற்றமடைந்து வருவதாக ஆஸ்திரேலிய அணியின் முன்னாள் வீரர் ஆரோன் ஃபின்ச் தெரிவித்துள்ளார்.

இது தொடர்பாக அவர் பேசியதாவது: பாட் கம்மின்ஸ் அணியை மிகவும் சிறப்பாக வழிநடத்துகிறார். ஒவ்வொரு நாளும் அவரது தலைமைப் பண்பில் முன்னேற்றம் ஏற்பட்டு வருகிறது. ஆடுகளத்துக்கு உள்ளே மட்டுமின்றி, ஆடுகளத்துக்கு வெளியேயும் அவரது தலைமைப் பண்பு சிறப்பாக உள்ளது. சர்வதேசப் போட்டிகளில் அணியை வெற்றிகரமாக வழிநடத்துவது கடினம். ஆனால், பாட் கம்மின்ஸ் அதனை சிறப்பாக செய்து வருகிறார். பயிற்சியாளர் ஆண்ட்ரூ மெக்டொனால்டுடன் இணைந்து அவர் அணியை நன்றாக வழிநடத்துகிறார் என்றார்.

இதையும் படிக்க: என் வாழ்க்கையின் சிறந்த பந்துவீசும் காலத்தில் இருக்கிறேன்: ஹேசில்வுட்

இதுவரை ஆஸ்திரேலிய அணியை 33 போட்டிகளில் கேப்டனாக வழிநடத்தியுள்ள பாட் கம்மின்ஸ் 20 வெற்றிகளைப் பெற்றுள்ளார். அவரது வெற்றி சதவிகிதம் 60.60 ஆக உள்ளது குறிப்பிடத்தக்கது.