அசுதோஷ் அதிரடி; டெல்லி ‘த்ரில்’ வெற்றி

ஐபிஎல் போட்டியின் 4-ஆவது ஆட்டத்தில் டெல்லி கேப்பிட்டல்ஸ் 1 விக்கெட் வித்தியாசத்தில் லக்னௌ சூப்பா் ஜயன்ட்ஸை திங்கள்கிழமை வென்றது.

முதலில் லக்னௌ 20 ஓவா்களில் 8 விக்கெட்டுகள் இழப்புக்கு 209 ரன்கள் சோ்க்க, டெல்லி 19.3 ஓவா்களில் 9 விக்கெட்டுகள் இழந்து 211 ரன்கள் எடுத்து வெற்றி பெற்றது. இக்கட்டான சூழலில் டெல்லி வீரா் அசுதோஷ் சா்மா அதிரடியாக விளையாடி அணியை ‘த்ரில்’ வெற்றிக்கு வழிநடத்தினாா்.

முன்னதாக டாஸ் வென்ற டெல்லி, பந்துவீச்சை தோ்வு செய்தது. லக்னௌ இன்னிங்ஸை தொடங்கிய எய்டன் மாா்க்ரம் - மிட்செல் மாா்ஷ் கூட்டணி, முதல் விக்கெட்டுக்கு 46 ரன்கள் சோ்த்தது. இதில் 1 பவுண்டரி, 1 சிக்ஸருடன் 15 ரன்களுக்கு மாா்க்ரம் ஆட்டமிழந்தாா்.

ஒன் டவுனாக வந்த நிகோலஸ் பூரன், மாா்ஷுடன் இணைந்தாா். அதிரடியாக விளாசிய இந்த பாா்ட்னா்ஷிப், 2-ஆவது விக்கெட்டுக்கு 87 ரன்கள் சோ்த்தது. இருவருமே அரைசதம் கடந்த நிலையில், 36 பந்துகளில் 6 பவுண்டரிகள், 6 சிக்ஸா்களுடன் 72 ரன்கள் அடித்திருந்த மாா்ஷ் ஆட்டமிழந்தாா்.

தொடா்ந்து வந்த கேப்டன் ரிஷப் பந்த் நிதானத்தை கடைப்பிடிக்க, பூரன் தனது அதிரடியை தொடா்ந்தாா். இந்நிலையில், பந்த் ரன்னின்றி 14-ஆவது ஓவரில் ஆட்டமிழந்து அதிா்ச்சி கண்டாா். 5-ஆவது பேட்டராக டேவிட் மில்லா் விளையாட வர, பூரன் 30 பந்துகளில் 6 பவுண்டரிகள், 7 சிக்ஸா்களுடன் 75 ரன்களுக்கு வீழ்ந்தாா்.

பின்னா் வந்த பேட்டா்களில் ஆயுஷ் பதோனி 4, ஷா்துல் தாக்குா் 0, ஷாபாஸ் அகமது 1 பவுண்டரியுடன் 9, ரவி பிஷ்னோய் 0 ரன்களுக்கு விக்கெட்டை இழந்தனா். ஓவா்கள் முடிவில் டேவிட் மில்லா் 1 பவுண்டரி, 2 சிக்ஸா்களுடன் 27, திக்வேஷ் ரதி 0 ரன்களுடன் ஆட்டமிழக்காமல் இருந்தனா்.

டெல்லி தரப்பில் மிட்செல் ஸ்டாா்க் 3, குல்தீப் யாதவ் 2, விப்ராஜ் நிகம், முகேஷ் குமாா் ஆகியோா் தலா 1 விக்கெட் வீழ்த்தினா்.

பின்னா் 210 ரன்களை வெற்றி இலக்காகக் கொண்டு விளையாடிய டெல்லி அணி, 7 ரன்களுக்கே 3 விக்கெட்டுகளை பறிகொடுத்தது. முதல் ஓவரிலேயே ஜேக் ஃப்ரேசா் 1, அபிஷேக் பொரெல் 0 ரன்களுக்கு வெளியேற, சமீா் ரிஸ்வி 4 ரன்களுக்கு அடுத்த ஓவரில் வீழ்ந்தாா்.

ஃபாஃப் டூ பிளெஸ்ஸிஸ் 3 பவுண்டரிகள், 2 சிக்ஸா்களுடனஅ 29, கேப்டன் அக்ஸா் படேல் 3 பவுண்டரிகள், 1 சிக்ஸருடன் 22, டிரிஸ்டன் ஸ்டப்ஸ் 1 பவுண்டரி, 3 சிக்ஸா்களுடன் 34, விப்ராஜ் நிகம் 5 பவுண்டரிகள், 2 சிக்ஸா்களுடன் 39 ரன்கள் சோ்த்து அணியின் வெற்றிக்காக முயற்சித்தனா்.

மிட்செல் ஸ்டாா்க் 2, குல்தீப் யாதவ் 5 ரன்களுக்கு பெவிலியன் திரும்பினா். அணியின் நம்பிக்கையாக இருந்த ஆசுதோஷ் சா்மா 31 பந்துகளில் 5 பவுண்டரிகள், 5 சிக்ஸா்களுடன் 66 ரன்கள் விளாசி அணியை வெற்றிக்கு வழிநடத்தினாா். மோஹித் சா்மா 1 ரன்னுடன் அவருக்கு துணை நின்றாா்.

லக்னௌ பௌலிங்கில் ஷா்துல் தாக்குா், மணிமாறன் சித்தாா்த், திக்வேஷ் ரதி, ரவி பிஷ்னோய் ஆகியோா் தலா 2 விக்கெட்டுகள் கைப்பற்றினா்.