டி20 உலகக் கோப்பையில் ஹாரி புரூக் படைத்த உலக சாதனை!

டி20 உலகக் கோப்பையில் இங்கிலாந்து அணியின் கேப்டன் ஹாரி புரூக் புதிய உலக சாதனை படைத்துள்ளார்.

முதல்முறையாக ஒரு அணியின் கேப்டன் டி20 உலகக் கோப்பையில் சதமடித்து சாதனை படைத்துள்ளார்.

சூப்பர் 8 சுற்றில் இங்கிலாந்துக்கு எதிராக பாகிஸ்தான் அணி பேட்டிங் செய்து 20 ஓவர்களில் 164/9 ரன்கள் எடுத்தது.

அதிகபட்சமாக பாகிஸ்தான் அணியின் தொடக்க வீரர் சாஹிப்சாதா ஃபர்ஹான் 63 ரன்கள் எடுத்தார்.

அடுத்து விளையாடிய இங்கிலாந்து அணி 19.1 ஓவர்களில் 166/8 ரன்கள் எடுத்து வென்றது.

தொடக்கத்திலேயே 17 ரன்களுக்கு 2 விக்கெட்டுகள் விழுந்தபோது ஹாரி புரூக் மூன்றாம் இடத்தில் களமிறங்கி மிகவும் அதிரடியாக விளையாடினார்.

சதமடித்து வெற்றிக்கு வித்திட்ட ஹாரி புரூக் ஆட்ட நாயகனாக தேர்வு செய்யப்பட்டார்.

டி20 உலகக் கோப்பையின் ஒரு போட்டியில் அதிக ரன்கள் குவித்த கேப்டன்கள்

100 - ஹாரி புரூக் (பாகிஸ்தானுக்கு எதிராக, 2026)

98 - கிறிஸ் கெயில் (இந்தியாவுக்கு எதிராக, 2010)

94 - லோர்கன் டக்கர் (ஓமனுக்கு எதிராக, 2026)

92 - ரோஹித் சர்மா (ஆஸி.க்கு எதிராக, 2024)

ஹாரி புரூக்கின் பேட்டிங்கை பலரும் பாராட்டி வருகிறார்கள். இந்த உலகக் கோப்பையின் மிகச் சிறந்த ஆட்டம் என முன்னாள் வீரர்கள் கூறி வருகிறார்கள்.