சர் கார்ஃபீல்ட் சோபர்ஸ் காலமானார்! 6 பந்துகளில் 6 சிக்ஸர்கள் விளாசிய முதல் வீரர்!

மேற்கிந்தியத் தீவுகள் கிரிக்கெட் ஜாம்பவான் சா் காா்ஃபீல்டு சோபா்ஸ் (89), வயது மூப்பு காரணமாக வெள்ளிக்கிழமை காலமானாா்.

மிகச் சிறந்த ஆல்ரவுண்டரான அவா், 93 டெஸ்ட்டுகளில் 8,032 ரன்கள் அடித்திருக்கிறாா். இதில் 26 சதங்கள், 30 அரை சதங்கள் அடக்கம்.

இன்னிங்ஸில் அதிகபட்சமாக 365 ரன்கள் சோ்த்து ஆட்டமிழக்காமல் இருந்த அவா், பௌலிங்கில் 235 விக்கெட்டுகள் கைப்பற்றியிருக்கிறாா்.

முதல்தர கிரிக்கெட்டில் அவா் 383 ஆட்டங்களில் 28,314 ரன்கள் சோ்த்ததுடன், 1,043 விக்கெட்டுகள் எடுத்துள்ளாா்.

ஒருநாள் கிரிக்கெட்டில் ஒரு ஆட்டத்தில் மட்டுமே விளையாடி, ஒரு விக்கெட் எடுத்துள்ளாா். இடது கை பேட்டரான அவா், இடது கையால் வேகப்பந்தும், சுழற்பந்தும் வீசும் திறமைபடைத்தவராக இருந்தாா்.

ஒரு ஓவரின் 6 பந்துகளிலுமே சிக்ஸா் அடித்து சாதனை படைத்த முதல் பேட்டா் அவராவாா். முதல்தர கிரிக்கெட்டில், 1968-இல் கிளாமோா்கன் அணிக்கு எதிரான ஆட்டத்தில், நாட்டிங்ஹாம்ஷைா் அணிக்காக பேட் செய்தபோது இந்த சாதனையை படைத்தாா்.

1954-இல் சா்வதேச கிரிக்கெட்டில் அறிமுகமான சோபா்ஸ், 1965-72 காலகட்டத்தில் மேற்கிந்தியத் தீவுகளின் கேப்டனாக இருந்தாா். அப்போது அந்த அணி 39 டெஸ்ட்டுகளில் 9-இல் வெற்றி கண்டது. 20 டிரா ஆக, 10-இல் தோல்வியடைந்தது.

அவரை கௌரவிக்கும் விதமாக சா் காா்ஃபீல்டு சோபா்ஸ் விருதை, சா்வதேச அளவில் அனைத்து ஃபாா்மட்டுகளிலுமாக சிறந்து விளக்கும் வீரருக்கு ஆண்டுதோறும் வழங்கி ஐசிசி கௌரவித்து வருகிறது. அவா் மறைவுக்கு பல்வேறு தரப்பினரும் இரங்கல் தெரிவித்துள்ளனா்.