கொல்கத்தாவில் ரஸல் இல்லை: டாஸ் வென்ற மார்கன் பேட்டிங் தேர்வு

ராயல் சேலஞ்சர்ஸ் பெங்களூருவுக்கு எதிரான ஆட்டத்தில் டாஸ் வென்ற கொல்கத்தா நைட் ரைடர்ஸ் முதலில் பேட்டிங்கைத் தேர்வு செய்துள்ளது.

13-வது ஐபிஎல் சீசனின் 39-வது ஆட்டத்தில் கொல்கத்தா நைட் ரைடர்ஸ், ராயல் சேலஞ்சர்ஸ் பெங்களூரு அணிகள் அபுதாபியில் இன்று (புதன்கிழமை) விளையாடுகின்றன. டாஸ் வென்ற கொல்கத்தா கேப்டன் இயான் மார்கன் முதலில் பேட்டிங்கைத் தேர்வு செய்தார்.

டாஸ் வென்றிருந்தால் நாங்களும் பேட்டிங்கையே தேர்வு செய்திருப்போம் என்று பெங்களூரு கேப்டன் விராட் கோலி தெரிவித்தார்.

கொல்கத்தாவில் 2 மாற்றங்கள் செய்யப்பட்டுள்ளன. ஷிவோம் மவி மற்றும் ஆண்ட்ரே ரஸலுக்குப் பதில் டாம் பாண்டன் மற்றும் பிரசித் கிருஷ்ணா சேர்க்கப்பட்டுள்ளனர்.

பெங்களூருவில் ஷபாஸ் அகமதுக்குப் பதில் முகமது சிராஜ் களமிறங்குகிறார்.