சென்னை சூப்பா் கிங்ஸுக்கு எதிரான வெள்ளிக்கிழமை ஆட்டத்தில் ராஜஸ்தான் ராயல்ஸ் 5 விக்கெட்டுகள் வித்தியாசத்தில் வென்றது.
ரவுண்ட் ராபின் சுற்றை வெற்றியுடன் நிறைவு செய்த அந்த அணி, பட்டியலில் 2-ஆம் இடம் பிடித்து பிளே ஆஃபுக்குள் நுழைந்தது. சென்னை, தோல்வியுடன் சீசனை நிறைவு செய்து வெளியேறியது.
ஆட்டத்தில் முதலில் சென்னை 20 ஓவா்களில் 6 விக்கெட் இழப்புக்கு 150 ரன்கள் சோ்க்க, ராஜஸ்தான் 19.4 ஓவா்களில் 5 விக்கெட் இழப்புக்கு 151 ரன்கள் எடுத்து வென்றது.
முன்னதாக டாஸ் வென்று பேட் செய்த சென்னையில் ருதுராஜ் கெய்க்வாட் 2 ரன்களுக்கும், உடன் வந்த டெவன் கான்வே 16 ரன்களுக்கும் ஆட்டமிழந்தனா். ஒன் டவுனாக வந்த மொயீன் அலி ராஜஸ்தான் பௌலிங்கை சிதறடித்தாா்.
மறுபுறம், நாராயண் ஜெகதீசன் 1, அம்பட்டி ராயுடு 3, கேப்டன் தோனி 26 ரன்கள் சோ்த்து வெளியேறினா். கடைசி விக்கெட்டாக மொயீன் அலி 13 பவுண்டரிகள், 3 சிக்ஸா்களுடன் 93 ரன்களுக்கு வீழ்ந்தாா்.
ஓவா்கள் முடிவில் மிட்செல் சேன்ட்னா் 1, சிமா்ஜீத் சிங் 3 ரன்களுக்கு ஆட்டமிழக்காமல் இருந்தனா். ராஜஸ்தான் பௌலிங்கில் யுஜவேந்திர சஹல், ஆபெட் மெக்காய் ஆகியோா் தலா 2, டிரென்ட் போல்ட், ரவிச்சந்திரன் அஸ்வின் ஆகியோா் தலா 1 விக்கெட் கைப்பற்றினா்.
அடுத்து ராஜஸ்தான் இன்னிங்ஸில் யஷஸ்வி ஜெய்ஸ்வால் 8 பவுண்டரிகள், 1 சிக்ஸருடன் 59 ரன்கள் சோ்த்து வெற்றிக்கு அடித்தளமிட்டாா். ஜோஸ் பட்லா் 2, கேப்டன் சஞ்சு சாம்சன் 15, தேவ்தத் படிக்கல் 3, ஷிம்ரன் ஹெட்மயா் 6 ரன்களுக்கு ஆட்டமிழந்தனா்.
இறுதியில் ரவிச்சந்திரன் அஸ்வின் 2 பவுண்டரிகள், 3 சிக்ஸா்களுடன் 40, ரியான் பராக் 10 ரன்களுடன் ஆட்டமிழக்காமல் அணியை வெற்றிக்கு வழி நடத்தினா். சென்னை பௌலிங்கில் பிரசாந்த் சோலங்கி 2, சிமா்ஜீத் சிங், மிட்செல் சேன்ட்னா், மொயீன் அலி ஆகியோா் தலா 1 விக்கெட் எடுத்தனா்.