விளம்பரத்துக்காக ஒரே அணியில் இணைந்த விராட் கோலி, கிறிஸ்டியானோ ரொனால்டோ

இந்திய கிரிக்கெட் கேப்டனும், நட்சத்திர வீரருமான விராட் கோலி மற்றும் போர்ச்சுகல் அணியின் நட்சத்திர கால்பந்து வீரருமான கிறிஸ்டியானோ ரொனால்டோ விளம்பரத்துக்காக ஒரே அணியாக இணைந்துள்ளனர்.

அமெரிக்கன் டூரிஸ்டர் நிறுவனத்தின் விளம்பரத் தூதர்களாக இவர்கள் இருவரும் செயல்பட்டு வந்த நிலையில், தற்போதுதான் முதன் முறையாக ஒரே விளம்பரத்தில் இணைந்து நடித்துள்ளனர். இந்த விளம்பரம் இவர்கள் இருவரின் ரசிகர்களாலும் பெரும் வரவேற்பை பெற்று சமூக வலைதளங்களில் வேகமாகப் பகிரப்பட்டு வருகிறது. 

சமீபத்தில் விராட் கோலியை கிரிக்கெட்டின் கிறிஸ்டியானோ ரொனால்டோ என்று மேற்கிந்திய தீவுகள் அணியின் ஆல்-ரவுண்டரும், தற்போது சென்னை சூப்பர் கிங்ஸ் அணிக்கு ஆடிவருபவருமான டுவைன் பிராவோ கூறியிருந்த நிலையில், தற்போது இவர்கள் இருவருமே இணைந்து நடித்த விளம்பரம் வெளியாகியுள்ளது.

அதுபோல உலகளவிலான சிறந்த மற்றும் பிரபலமான விளையாட்டு வீரர்களில் ரோஜர் ஃபெடரர், லயோனல் மெஸ்ஸி, கிறிஸ்டியானோ ரொனால்டோ ஆகியோருக்கு இணையாக விராட் கோலி புகழப்பட்டு வருவது குறிப்பிடத்தக்கது.