ஹாக்கி: இந்தோனேஷியா மீது இந்தியா கோல் மழை

ஆசியப் போட்டி ஆடவர் ஹாக்கி துவக்க ஆட்டத்தில் இந்திய அணி 17-0 என இந்தோனேஷியா மீது கோல் மழை பொழிந்தது.
நடப்பு சாம்பியன் இந்தியா மீண்டும் தங்கம் வென்று 2020 டோக்கியோ ஒலிம்பிக் போட்டிக்கு நேரடித் தகுதி பெறும் முனைப்பில் உள்ளது. இந்நிலையில் ஏ பிரிவில் இந்தியாவும்-இந்தோனேஷியாவும் திங்கள்கிழமை மோதின. உலகின் 5-ஆம் நிலை அணியான இந்தியா தொடக்கம் முதலே ஆதிக்கம் செலுத்தியது.
6 கோல்கள் பெனால்டி கார்னர் முறையில் போடப்பட்டன. ஒரு கோல் பெனால்டி ஸ்ட்ரோக் முறையிலும், மீதி கோல் பீல்ட் கோல்களாக போடப்பட்டன. தில்பிரீத், சிம்ரஞ்சித், மந்தீப், ஆகியோர் தலா 3 கோல்களையும், ரூபிந்தர், அக்ஷதீப் தலா 2 கோல்களையும், சுனில், விவேக், அமித், தலா ஒரு கோலையும் அடித்தனர்.
இந்திய மகளிர் அணி செவ்வாய்க்கிழமை கஜகஸ்தான் அணியுடன் மோதுகின்றனர்.