டேபிள் டென்னிஸ்: மனிகா பத்ரா அபாரம்

ஆசியப் போட்டி டேபிள் டென்னிஸ் மகளிர் ஒற்றையர் பிரிவு காலிறுதிக்கு முந்தைய சுற்றுக்கு இந்தியாவின் மனிகா பத்ரா முன்னேறியுள்ளார்.

அவர் 11-3, 11-7, 11-3, 11-6 என்ற செட் கணக்கில் தாய்லாந்தின் நந்தனாவை வீழ்த்தி நாக் அவுட் சுற்றுக்கு தகுதி பெற்றார். 

அதே போல் ஆடவர் ஒற்றையர் பிரிவில் மூத்த வீரர் சரத் கமல் 11-4, 11-8, 11-7, 11-5 என்ற செட் கணக்கில் குரேஷ் முகமதை வென்று தகுதி பெற்றார்.

மற்றொரு ஆட்டத்தில் தமிழக வீரர் சத்யன் 11-3, 9-11, 14-12, 11-1, 9-11, 11-7 என்ற செட் கணக்கில் இந்தோனேஷியாவின சந்டோஸாவை வீழ்த்தினார்.

மகளிர் பிரிவில் மெளமா தாஸ் தோல்வியடைந்து வெளியேறினார்.

தோல்விகள்...

* ஆடவர் வாலிபால் பிரிவில் இந்திய அணி 2-3 என்ற செட் கணக்கில் மியான்மரிடம் தோல்வியடைந்தது.
* செபாக்டக்ரா மகளிர் பிரிவில் இந்திய மகளிர் அணி 0-2 என தாய்லாந்திடம் தோல்வியைத் தழுவியது.
* மகளிர் ஸ்குவாஷ் ஆட்டத்தில் இந்திய அணி 1-2 என ஹாங்காங்கிடம் தோல்வியடைந்தது.
* ஜூடோ வீரர்கள் ஹர்ஷ்தீப் சிங், கரீமா செளத்ரி ஆகியோர் நாக் அவுட் சுற்றில் தோல்வியுற்றனர்.
* குராஷ் ஆட்டத்தில் இந்தியாவின் டேனிஷ் சர்மா, 
ஜோதி டோகாஸ் ஆகியோரும் தோல்வியடைந்தனர்.