ஆறு பந்துகளில் ஆறு சிக்ஸர்: ஆஸி. இளம் வீரர் சாதனை! (விடியோ)

ஆஸ்திரேலியாவில் நடைபெற்ற யு-19 ஆடவர் நேஷனல் சாம்பியன்ஷிப்பில் இளம் வீரர் ஒல்லி டேவிஸ் ஆறு பந்துகளில் ஆறு சிக்ஸர் அடித்து சாதனை படைத்துள்ளார்.

அடிலெய்டில் நடைபெற்ற ஆட்டத்தில் நியூ சவுத் வேல்ஸ் மெட்ரோ கேப்டன் 18 வயது ஒல்லி டேவிஸ், 115 பந்துகளில் 207 ரன்கள் எடுத்து அசத்தினார். நார்தர்ன் டெரிடரி அணிக்கு எதிரான இந்த ஆட்டத்தில் 14 பவுண்டரிகளும் 17 சிக்ஸும் அடித்தார். இதனால் நியூ சவுத் வேல்ஸ் அணி 50 ஓவர்களில் 4 விக்கெட் இழப்புக்கு 406 ரன்கள் குவித்தது. 

ஜேக் ஜோன்ஸ் வீசிய 40-வது ஓவரில் ஆறு பந்துகளில் ஆறு சிக்ஸர்கள் அடித்து சாதனை செய்தார் டேவிஸ்.