இந்திய வாலிபால்அணியில் கோபி கல்லூரி மாணவி

கோபி பிகேஆர் மகளிர் கல்லூரி இளநிலை முதலாம் ஆண்டு மாணவி எஸ்.ஷாலினி இந்திய மகளிர் கையுந்துப்பந்து (வாலிபால்) அணியில் விளையாடத் தேர்வு செய்யப்பட்டுள்ளார். 
19ஆவதுஆசிய மகளிர் வாலிபால் போட்டிகள் வியட்நாமில் ஜூன்10ஆம் தேதி முதல் 17ஆம் தேதி வரை நடைபெறவுள்ளது.
19 வயதுக்குள்பட்ட இந்திய மகளிர் கையுந்துப் பந்து (வாலிபால்) அணியில் விளையாடுவதற்கு பல்வேறு மாநிலங்களில் இருந்து மகளிர் தேர்வு செய்யப்பட்டனர். பிகேஆர் மகளிர் கலைக் கல்லூரி மாணவி எஸ்.ஷாலினியை கல்லூரி தாளாளர் மற்றும் செயலர் பி.என்.வெங்கடாசலம், கல்லூரி துணை முதல்வர் எஸ்.ஏ.தனலட்சுமி, உடல்கல்வி இயக்குநர் பேராசிரியை ஜமுனாமணி, பேராசிரியைகள் மற்றும் மாணவிகள் வாழ்த்தி வழி அனுப்பினர்.